我一直都好想寫一篇關於龍少古怪生活避好... 哈哈哈!
等我數吓佢d古怪習慣先:
甜: 曲奇蛋糕打死唔食, 西式嘅更加唔食, 但係食椰撻同椰汁糕, 可以一個人食哂成個楊枝金露蛋糕, 超鐘意食中式糖水同豆腐花. 不過紫米露唔食; 唔食餅皮蛋撻要食酥皮, 但都唔食蛋撻只食葡撻
酸: 所有酸嘢都唔食; 但係煮麵煲粥一定要落蕃茄, 仲一定要煮到一pat pat先食; 醋唔食, 但係要食春卷要點喼汁; 茄牛飯都唔食
苦: 苦茶為咗貪靚先肯飲, 其他一切理由唔飲
辣: 愛盡所有辛辣, 但係一定唔食日本咖哩
藥丸: 永遠唔肯睇醫生; 睇咗食剩一次就唔食
零食: 所有咸濕嘢唔食; 雪糕只食雲喱拿味; 古古力唔食, 餅乾唔食, 硬糖唔食只食軟糖; 香口膠我迫佢先食!!
碟頭飯: 日日出街lunch都食, 但係屋企一定唔可以出現
有味飯: 你煮出黎佢會話想喊唔食
酒樓: 一定要食珍珠雞同牛肉腸粉, 但唔食糯米雞! 粽只係響屋企食, 出街唔可以食; 豉油王炒粉麵只可以係粥鋪食!
魚: 所有淡水魚唔食, 滑潺潺唔食, 魚柳唔食, 只食咸水魚
肉: 所有跟骨嘅肉都超愛食, 瘦肉唔食, 雞胸唔食, 牛肉唔食但食牛扒, 豬扒雞翼超鐘意食
菜: 菜心唔食, A菜唔食, 只食生菜
日式: 吉烈豬扒唔食, 日本咖哩唔食, 烏冬唔食, 冷麵唔食, 只食拉麵! 除咗三文魚同鰻魚所有魚剌身唔食
西式: 冇飯跟唔食; 分好多dishes唔食; 西餐多數唔飽所以唔食, 黑麻麻嘅餐廳唔食
沙律: 要至少有1種肉跟先肯食, 食沙律菜似牛所以唔食, 有罐頭生果唔食
生果: 所有罐頭生果唔食, 蘋果橙菠蘿火龍果士多啤梨奇異果藍莓紅莓木瓜通通唔食, 未熟哂香蕉唔食, 西瓜蜜瓜未切唔食, 梨未批皮唔食, 榴槤監先食
椰子: 所有椰類都超愛食
pat: 薯蓉超愛食, 但係麥皮一patpat核突唔食, 肉醬魯肉唔想食
飲品: 乳酪乳酸唔食, 朱古力奶唔飲, 鮮奶同益力多就飲
有皮包住嘅嘢唔食: 雲吞唔食水餃唔食, 蝦餃燒賣唔食, 小籠包皮薄就食小小, 太厚就只食肉; 但係超鐘意糯米包!
pizza一定唔食, 但同朋友一定食
KFC同M記自己去就食, 但係同我就一定喉嚨痛唔食
大家樂同大快活一定唔食, 但係只係美心下午茶嘅雞籃
粉麵: 意大利粉通粉唔食, 滑米粉先食, 河粉都食, 上海麵銀針粉唔食
湯: 只飲中式湯; 出街西湯只飲羅宋湯, 但係響屋企只飲忌廉湯同粟米湯唔飲羅宋湯
飲品: 唔飲熱水, 只飲有味水; 汽水唔飲但超愛忌廉; 出街一定飲奶茶檸茶紅豆冰
麵包: 唔食方包但食三文治多士; 認為所有中西式包類都應該係趕返工或打杖先食; 但係最愛花生醬西多士, 腸仔包同豉油西餐嘅餐包, 但係太硬嘅餐包一定唔食
微波爐叮嘅唔食, 焗爐焗唔乾就食小小
食物冇肉汁太乾唔食, 太濕唔食, 有餸汁唔食
沒有留言:
張貼留言