續~
繼第五晚龍少自己一個戇居居咁去食飯
自己就響酒店昏迷到番天覆地之後
所以一早就起咗身, 沖番個淥皮咁熱嘅熱水涼
就拉咗龍少出去喇~~
今次我地嘅目的地係"圓明園", 其實我之前黎北京都好恨去
因為好想親見證一吓俾英法聯軍焚燒3日3夜同瘋狂搶掠和洗劫之後, 究竟會係點?
不過通常d旅行團都唔會去依d地方, 不斷話果度只係得番d殘骸
圓明園包括三個主要的園：萬春園、長春園、和圓明園，所以也叫園明三園。其中以圓明園最大。
圓明園是中國智慧和血汗的結晶，也是中國園林藝術的典範。園中很多景物是仿造各地的名勝古蹟，漫步園中，就好像遊歷了整個中國的山南江北。另外，有些景物是仿造古代詩人畫家的詩情畫意所建造的，置身其中，彷彿進入了那些詩人畫家的幻想境界。
圓明園不但建築宏麗，而且還收藏著無數珍貴的歷史文物，包括先秦時代的鐘鼎銅器，以及歷代名人的書畫，可說是當時世界上的一個大博物館。
西元一八六０年，英法聯軍進攻北京城，佔領了圓明園，把園內的金銀珠寶和珍貴文物掠奪一空，然後放了一把火將圓明園燒掉了。執行放火的軍官看到這一座瑰麗的宮宛燒了三天三夜，變成了一堆瓦礫焦木，也不禁感嘆搖頭。圓明園的毀滅是中國文化史上無可估量的損失，也是人類文化史上的一個大浩劫。 (quote from yahoo 中華文化天地)
我地就由王府井站搭地鐵去五道口, 再轉的士
原來清華大學就係響圓明園隔離
有時真係好羨慕d北京人, 身邊盡是歷史遺跡
每當經過依d遺跡, 都可以想下當時嘅社會
或者佢地係唔敢黎, 唔敢見到佢地國家對圓明園嘅破壞
又或者所有遊客都只愛看華麗宏偉嘅歷史建築
不過, 我較喜歡想想廢墟背後, 盛極一時的輝煌歷史
而西部地區尚未對遊客開放參觀
<--- 圓明園南門
<--- 圓明園, 長春園, 綺春園統稱
<--- 圓明園鳥瞰圖
<-- 圓明園正門
<--- 圓明園南門
<--- 園內境色
<--- 遠望似真, 原來係假
<<--- 園口小橋流水也被破壞
<--- 好靚的雕石
<--- 黃花陣 = 西洋迷宮
<--- 圓明園想像模型
<--- 觀水法遺跡
<--- 大水法遺跡
<--- 圓明園日落景色
因為之前搭地鐵太耐, 所以~ 我地今次試吓搭巴士!!!
我地搵到一架去前門嘅巴士
但係, 途中一瞓再瞓... 差不多瞓咗個幾鐘先到前門總站...
真係感覺到~ 北京地大脈搏....
但係, 唔知d菌係唔係開始又發作, 我又開始唔妥
影咗2張相, 都冇再行去逛逛
龍少就拖我去食晚飯喇~~
但係, 龍少想帶我去食飯嘅地方都幾"liu nang"
所以連的士都係響附近放低我地就算
龍少拖住我一邊行一邊搵, 我就一邊行一邊震~~~
搵咗差不多20分鐘, 真係由天光搵到天都黑齊先搵到
要龍少一個人食哂, 而且就響枱面瞓著咗
而聽日又要返香港, 好驚d人唔俾我上機
所以一返到酒店就問佢地邊度有醫生睇
個服務員真係好好, 幫我地問一d出診醫生嘅價錢
但係, 真係太貴喇! 1個要RMB1000, 另1個只收美金, US80!!!!
所以果位服務員叫我地不如去醫院, 果間北京協和醫院都算係貴價醫院
但係佢地話依間又迎又好~ 仲幫我地打的去
不過, 因為我地唔知頭唔知路
去錯咗排急診部門, 有一大班人響度瞓教!!!
d職員又話依家冇得睇架, 成班人都係排定聽朝睇~~
而佢又知我地唔係當地人, 就又點我地上樓上另一個特急診登記
上到去見姑娘, 佢一同我探完熱, 就話我地唔可以係依度睇
又要去另一邊, 因為我體溫超過咗38F, 仲叫咗個傻仔帶我地去另一座(!)
不過, 個傻仔自己都唔知應該去邊, 響外面帶我地遊咗成10分鐘花園....
嘩.... 我好驚喎! 響國內俾佢抽血, 好驚佢D針係recycle use喎~~~
但係都冇辦法, 俾佢一捉住我隻手就篤咗支針喇
之後去照肺, 不過唔駛換衫架! 照完哂就去見醫生喇
於是佢開d退燒藥, 感冒茶包, 同消炎藥俾我
之後龍少同我去攞藥交費, 連照肺+藥費都只係大約RMB200左右
沒有留言:
張貼留言