有咗個囡,全家嘅生活唔同哂~ 就連貪玩的mama也被audrey bb溶化了
2007年5月31日 星期四
一物二用三驚喜
星期日一班嘩鬼就會黎我地屋企BB蕉
星期六又要去買所有食物+材料
屎火啦, 咩都想食... 燴日本蕃薯, 蒜蓉雜菇, 燒羊架, 燒魚~~~
都唔知買唔買得齊所有食物同醃得好唔好食
好鬼屎緊張, 希望到果日天氣同依2日一樣晴
晴
晴
繼尋晚整咗個失敗麵包之後
今日就有d心心不憤, 好似螞蟻上身咁
一定要整返樣成功嘅甜食~
所以, 就整咗最簡單同我最想食嘅古力戚風蛋糕... (嘻嘻, 大少奶 我又跟你口水尾喇)
今次個古力戚風蛋糕雖然俾龍少話有d似發霉 (溶咗嘅古古力)
但係食落有d似嘉頓說謊蛋糕, 真係開心~~
仲有, 大家覺唔覺得今次個古力戚風蛋糕點解咁大?
哈哈哈, 因為.... 我聰明囉!
本身我得2個細戚風模+1個新買嘅起底蛋糕模
咁..... 就將用起底蛋糕模+細個戚風模個芯
+
=
=大個戚風模, 呵呵呵
真係一舉兩得, 又慳番一筆!!!!
updated@1-june
整完依個蛋糕真係好開心
因為... 龍少都讚好, 而且佢食咗1/4個做早餐~
一個大突破!
2007年5月29日 星期二
你扭我又扭
上次母親節仲未同好姨(龍少個亞媽)食飯
所以星期六果日就一定要去還番依餐俾佢喇~~
但係食咩好呢?
因為平日龍少唔會同我去食peter仔(學大少奶叫)
但係我又鬼死咁鐘意食d香口嘢
加上好姨同龍妹都鐘意食... 所以順理成章就去食pizza喇~~~
星期六旺角嘅Pizza Hut超級多人, 好彩我一早去攞定飛仔
都係等咗20分鐘度就可以入得
佢地依家同東亞咭做promote
有個原價$399套餐半價都係$199咋, 真係好抵
佢個餐話係2人餐, 但係... 我地4個人食都要打包
個pizza一上枱果陣真係.... 大到嚇死人
我見隔離枱果pair情侶都係叫依個餐
當個pizza一上枱果陣佢2個都呆咗, 超級爆笑~~
由於好姨同龍妹太餓, 我只係影到個pizza咋!!
東亞扭扭芝味套餐:
石板街黑牛2杯, 海鮮湯2客, 大蝦cocktail2客, 焗豬扒飯1客, 扭扭大批一個, 古力puff一客
你睇幾幾幾大個...
不過, 又真係幾好味, d粒粒包住好多'豬士', 仲有我估有車打'豬士'
仲好味過芝心批啦!
最後, 我只係食咗1件半pizza已經飽到傻咗....
嘩.... 嚇死!
今日第一日開學, 真係有d唔多習慣
而且summer仲要成10點鐘先放學
悲哀.....
返到屋企, 剛剛響梳化上網巡blog之際
突然間"啪"一聲, d燈熄哂... 仲有火花飄落黎~~~
真係嚇到得番半條人命
好彩龍少返得黎早, 如果唔係都唔知"典跣"!!!!!
前幾日去行街, 見到我最愛嘅simpsons
我細個果陣就已經好鐘意d古怪嘢
特別係simpson~ 真係好抵死好Q架
以前我仲儲起哂佢嘅Trade cards, 不過... 唔知去哂邊
都唔知係唔係俾肥媽媽掉哂囉
所以買次見到,
當然要買佢番黎啦!
雖然細隻咗d, 但係都唔緊要啦
因為依家外出都好少見, 就算有都好鬼貴...
哈哈, 佢地一家都係我個熱水爐上面架~
左至右: 惡毒小丑, Bart Simpson, Marge Simpson, Maggie Simpson, Liza Simpson, Apu, Mr. Burns
2007年5月25日 星期五
美人生鬚?
上前幾日發生咗d事, 搞到自己好唔開心
心情好差好差~~ 差到本身係銅鑼灣都唔想行街...
於是就走咗去搭隊巴過海
諗住慢慢搭車徙吓時間
起初仲以為由灣仔去沙田要成個幾鐘
點知只係用咗半個多鐘頭就到
但係又未夠鐘上堂, 冇辦法之吓唯有逛吓新城市廣場
諗起屋企果盒漂白霜已經過哂期
要快d買番盒新, 但係.... 舊果款已經唔出
所以就走去sasa度搵吓漂白面毛嘅cream
因為... 我好唔鐘意有唇毛, 又唔鐘意剃喎, 而
"美人生鬚"
又唔係咁好睇....
所以, 都係將佢漂白咗唔多覺好d!
行吓逛吓見到shu uemura就又走咗入去睇睇
醒起上次化妝果陣化妝師用咗佢地嘅whitening精華素
效果超好, 一抹之後整塊面都白咗!
但係因為唔想一次過買太多
而且屋企支sofina美白精華仲未用哂
所以一直都冇買
但係唔知係唔係心理影響好想買嘢
心諗予其都係花錢不如買番d有需要嘅嘢
所以就買咗佢地隻美白精華, 同埋依盒新出嘅維他命C美白mask
個sales姐姐仲送咗成條line嘅sample俾我(!!!)
真係好, 可以慢慢試真d好唔好用先轉line
但係.... 心情依家仍未好轉
就連龍少
都唔work...
最後嘅結果竟然係~~~ 一覺瞓到大天光
冇事囉~~~
辛勞的一天
上星期龍少其中一樣玩具~ 金魚缸~ 突然間死咗幾條小金魚
而又未有時間去買番
於是趁今日假期去收養番幾條小魚魚
不過今日真係熱熱熱.... 熱到龍少同我差不多連肥膏都溶埋出黎~
我地響深水埗食完lunch, 就行過去太子
途經花墟果陣, 我就順便拉咗龍少去睇花
不過, 最終都係失守
買咗盆薰衣草, 西瓜葉同迷迭香
雖然我鐘意花, 但係當佢地謝果陣我會好心"up"
所以寧願買盆栽多d
之後行過聞到一室花香, 起初仲以為係白蘭花
原來係茉莉, 10蚊一扎真係好香~~~
不過, 我都係鐘意白蘭花多d, 只可惜擺放時間太短喇...........
如果有白蘭花味香水就好喇
之後我地就去咗買魚魚
不過真係好熱... 熱到都有d唔想睇
但係為咗龍少同屋企個風水局(!), 算啦~
不過今次一買竟然買咗成13條
有2條波子, 5條金精靈, 6條小小黃金間
果d黃金間真係好cute, 佢地會追住捉迷藏架....
仲有, 屋企盆紫壘蘭開咗好多花喇.....
10蚊買番黎, 依家開到同人地38蚊果d一樣~~~ 呵呵呵!!
較新的文章
較舊的文章
首頁
訂閱:
文章 (Atom)