出關囉~

哇哈哈哈哈.....

大家見到又開番blog同癲癲地就知我已經考完哂試囉~~

雖然唔知考成點, 但係.... 學龍少話齋

唔考都考完啦, 仲諗咩鬼啦!

所以, 今晚龍少就黎學校接我考完試去慶祝慶祝一番!

本來我又想去食壽司, 於是走咗去新開果間板前

離遠見都唔係太多人等啫, 點知去到一問

我地張飛仔207號, 但係佢只係叫到~~~~ 64號.....

咁咪即係要等到11點先有得食?! 所以, 咪走人囉!

跟住龍少就帶番我去九龍城小曼谷喇~

哈哈哈, 真係合我心水!

不過因為龍少皮膚敏感好多嘢都唔食得

青木瓜沙律唔食得, 咖哩蟹唔食得, 蝦餅唔食得.....

唔緊要啦, 龍少肯專登黎陪我食飯我都已經心滿意足囉~

不過, 今次又眼闊肚窄, 又有宵夜打包喇~~~

<泰式豬頸肉沙律>                                          <雪梨沙冰>

<串燒鴨炖>                                                         <咸魚炒芥蘭> 

<龍少割愛-蝦餅>                                                    <香草肉碎炒飯>

是日甜品: 考試後~放肆"哈根打"雪糕