好痛好痛好痛~
今晨屋企室內只得14度
室外仲癲.... 得番5度...
凍到唔想出街, 但都係要出~
個頭仲凍到真係好痛
帶冷帽又緊, 唔帶又凍...
可以點做?
2008年1月29日 星期二
唔見嘢
~有禮物 有禮物 咪咪吉有禮物~
每做一件事我都會有我嘅理由
唔想煮飯... 因為冇餸
唔想做家務... 因為皮膚敏感, 要徙錢睇醫生
唔想早起身... 因為我條命不宜早起
想食壽司... 因為可以慳番機票錢
想買新衫... 因為剛剛游水落黎
想買短褸... 因為全部長褸
想買長褸... 因為屋企D長褸好長好重
想去旅行... 因為唔可以長時間留係同一個地方
想買新相機... 因為舊機好累, 同埋機件老化
不過龍少話以上每一個理由都係歪理(!!!)
除咗最後一項, 因為佢都發現部Casio EXILIM 4.0影d相真係差咗好多
所以.... 買咗部Canon IXUS 860IS俾我
呵呵呵, 新機影d相好似真係靚好多咁
舊機? 你休息一吓先啦!
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
就快新年, 亦即係林小B都就快出世
肥媽媽會係新年後過去"大蘋果"照顧提子太太同林小B
實在太多人愛鍚未出世嘅林小B
個個都要肥媽媽幫佢地攞禮物過去
今晚就去見係其中一位A小姐
雖然收嘅係提子太太同林小B
但係作為一位恨做EE多年嘅我
點都要做番D心思俾人地嘛
於是整咗個"蕃茄百里香芝士"麵包
個LOOK好得, 味道好香
食落QQ咁, 好得意!
不過出爐之時, 先發覺D百里香仲係枱面
咦... 唔怪得個包好似唔見嘢咁啦
食譜: (改自孟老師的100道麵包)
材料
A
高筋粉 220g
麵粉15g
糖 15g
鹽 1/2 tsp
即溶酵母 2g
茄汁 50g
蛋白 30g
水 70g
老麵 50g
B
無鹽牛油 15g
百里香 1tsp
A
高筋粉 220g
麵粉15g
糖 15g
鹽 1/2 tsp
即溶酵母 2g
茄汁 50g
蛋白 30g
水 70g
老麵 50g
B
無鹽牛油 15g
百里香 1tsp
做法:
1) 將材料A全部放入鍋內混合, 搓至光滑
2) 加入無鹽牛油搓成有延展性, 再加入百里香伴勻
3) 麵團發酵80分鐘
4) 麵團分成5分, 滾圓後放入圓模內, 蓋上保鮮紙發酵30分鐘
5) 表面搽上蛋液, 在麵團表面刨芝士絲
6) 預熱焗爐, 再用190度焗20分鐘
1) 將材料A全部放入鍋內混合, 搓至光滑
2) 加入無鹽牛油搓成有延展性, 再加入百里香伴勻
3) 麵團發酵80分鐘
4) 麵團分成5分, 滾圓後放入圓模內, 蓋上保鮮紙發酵30分鐘
5) 表面搽上蛋液, 在麵團表面刨芝士絲
6) 預熱焗爐, 再用190度焗20分鐘
2008年1月25日 星期五
黎運桔
哈, 個topic名好似個人名
...
依排包精上身, 幾忙都要搓吓包先安樂
個包名好似好勁咁
叫"卡士達超軟吐司"
其實我都唔係好知咩叫卡士達
既然佢叫得超軟, 就睇吓你有幾軟, 哼!
今次整咗2款做型
一條細細嘅吐司
加另一個皇冠包做型
果然真係又靚又軟又鬆又好味
剛出爐果陣仲發生咗d香艷事件..... (有咩問圓圓啦)
果陣龍少啱啱返黎
仲即刻忍唔住食咗2個
yeah~~~ 成功~
終於都搵番盤桔新年擺吓喇!
食譜: (改自孟老師的10道麵包)
材料
A 卡士達醬:
蛋黃1個
糖 10g
高筋粉 15g
鮮奶 65g
A 卡士達醬:
蛋黃1個
糖 10g
高筋粉 15g
鮮奶 65g
B
高筋粉 250g (我用了200g高筋和50g低筋)
糖 30g
鹽 1/2 tsp
即溶酵母 4g
奶粉 15g
水 100g
無鹽牛油 25g
老麵 50g
高筋粉 250g (我用了200g高筋和50g低筋)
糖 30g
鹽 1/2 tsp
即溶酵母 4g
奶粉 15g
水 100g
無鹽牛油 25g
老麵 50g
做法:
1) 將材料A全部放入鍋內, 先用打蛋器攪勻, 再用小火邊煮邊攪煮成糊狀, 取出放涼, 用保鮮紙包住放入雪櫃雪60分鐘
2) 將做法1) 和材料B混合, 搓至光滑
3) 加入無鹽牛油搓成有延展性
4) 麵團發酵80分鐘
5) 麵團分成3分, 滾圓後蓋上保鮮紙鬆弛15分鐘
6) 將3分麵團分別捲成圓柱型, 放進模內作最後發酵, 約60分鐘至9成滿
7) 表面搽上蛋液
8) 預熱焗爐200度, 再用180度焗30分鐘
9) 出爐後即脫模
1) 將材料A全部放入鍋內, 先用打蛋器攪勻, 再用小火邊煮邊攪煮成糊狀, 取出放涼, 用保鮮紙包住放入雪櫃雪60分鐘
2) 將做法1) 和材料B混合, 搓至光滑
3) 加入無鹽牛油搓成有延展性
4) 麵團發酵80分鐘
5) 麵團分成3分, 滾圓後蓋上保鮮紙鬆弛15分鐘
6) 將3分麵團分別捲成圓柱型, 放進模內作最後發酵, 約60分鐘至9成滿
7) 表面搽上蛋液
8) 預熱焗爐200度, 再用180度焗30分鐘
9) 出爐後即脫模
2008年1月24日 星期四
2008年1月23日 星期三
黃面婆
唔好誤會, 唔好以為我講自已
我依D人天生麗質
又點會面黃呢!
平時嘅我唔多鐘意黃色...
但係, 今次例外
雖然今次佢好黃, 但係我真係好愛佢呀
佢? 係新鮮出爐嘅黃色包包
點解?
因為今次俾咗d咖哩粉落個麵團
加埋冬菇妹介紹嘅老麵
再加埋炒過嘅黑椒洋蔥吞拿魚餡
混埋就變成今次嘅"咖哩黑椒洋蔥吞拿魚包"
個效果... 好得呀~
咖喱好香, 麵包好鬆, 個餡好味
即刻忍唔住口食咗個
搓包技術又提升咗喇, 呵呵呵~~~
食譜: (改自孟老師的10道麵包)
材料
高筋粉 200g
糖 10g
鹽 1/2 tsp
咖哩粉 1/2 tsp
即溶酵母 2g
蛋白 40g
老麵 50g
水 85g
無鹽牛油 10g
高筋粉 200g
糖 10g
鹽 1/2 tsp
咖哩粉 1/2 tsp
即溶酵母 2g
蛋白 40g
老麵 50g
水 85g
無鹽牛油 10g
餡料: 可自行配搭
1) 將所有材料搓至光滑
2) 加入無鹽牛油搓成有延展性
3) 麵團發酵80分鐘
4) 麵團分成7等分, 滾圓後蓋上保鮮紙鬆弛5分鐘
5) 包入餡料後, 再進行最後發酵約20分鐘至9成滿
6) 表面搽上蛋液和撒小許黑芝麻
7) 預熱焗爐200度, 再用180度焗18分鐘
2) 加入無鹽牛油搓成有延展性
3) 麵團發酵80分鐘
4) 麵團分成7等分, 滾圓後蓋上保鮮紙鬆弛5分鐘
5) 包入餡料後, 再進行最後發酵約20分鐘至9成滿
6) 表面搽上蛋液和撒小許黑芝麻
7) 預熱焗爐200度, 再用180度焗18分鐘
生熟牛
好耐冇同肥媽媽去街街
尋日佢有事要出老尖一趟
我就即刻推哂所有約會黎同佢逛逛
首先帶佢去圓圓介紹嘅"味佳居"越南餐廳食河粉
原來果幢大廈就係以前學日文嘅地方
果陣我地夜晚就響せんせい間公司度上堂, 好好玩架...
佢地d服務又唔係真係咁差
不過就係我地等咗10分鐘之後
竟然有人再過黎問我地叫咗d咩?!
話唔知邊個同我地落單, 所以連張單都唔知去咗邊....
佢一邊黑面咁講兼一句"唔好意思"都冇囉!
但係到d食物黎到, 又真係好值得再黎多次
我嘅係生熟牛金邊粉, 肥媽媽係三絲撈檬
生熟牛金邊粉d牛好好味
我覺得熟牛好淋兼帶筋, 好味過生牛
肥媽媽都覺得好味, 搞到佢唔多like碗撈檬!
加$6有其他小食, 我地叫咗春卷同粉皮
不過掛住食唔記得影個粉皮
途中, 我俾魔鬼喪標一號慫恿一輪
就做咗個小小敗家精
可惜肥媽媽睇唔中啦
由於個牛河實在太飽
但係唔食晚飯, 我又驚肥媽媽返屋企食麵包
於是去返例牌飯堂~一葉家
超鐘意佢個宋家餛飩
食物都好清唔太濃
魯肉A菜(唔知點解有麵屎), 多菜宋家餛飩
2個人只係叫咗2款食物
都差d食唔哂, 今日真係.... 飽屎荷蘭豆囉!!
2008年1月22日 星期二
五喪標@royal garden
下個月嘅今日
應該係林小B黎到依個世界嘅大日子
到時肥媽媽就會係提子太太身邊照顧佢
希望提子太太順順暢暢咁痾小B出黎
小B又健健康康咁長大
快D返黎探公公, 姨腸腸同埋咪咪姨啦!
*****************************************************
有D稱呼有一定嘅名:
哨牙一定叫亞珍, 黑鬼要係亞德
仲有貓屎~強, 盲公~陳, 曚眼~佬, 豬~炳, .... 哈哈哈
所以喪要跟標, 咁先夠雷!!!!
上星期六, 係五喪標分別相識3個月嘅大日子
(喪標包括1號大少奶, 2號飛E, 3號vanlily, 4號minicorgie, 同埋5號嘅我)
為隆重其事
喪標一號係幾個禮拜前已經book定枱
一於去royal garden嘈餐飽
當日d食物ok啦
想食嘅出1 round就唔出
唔想食嘅又不斷refill, 想點?!
全日最好味嘅古力raspberry cake, 想再encore都冇!
仲有自制什啤3色雪糕
事前同喪標一號發起一個交換$100福袋大行動
就係咁, 我就捉蟲啦
咁好彩真係抽中16號福袋
不過... 好彩...
事前原本唔敢俾龍少知嘅賤格福袋事件
到當晚見到抽番黎果16件"厚禮"
竟然話好啱用!!! 當佢見到包豆屎
仲開心過俾包risotto佢呀....
唉.... 果然係老實中國人!
當時個場面超級震撼, 個個waiter行過都陰笑呀
圓圓, 你記得你問人借咩嘛??
最後, 我想多謝:
送靚靚食譜同埋唔飲咖啡一日嘅愛飛
圓圓賜我嘅16號愛人同埋抽完獎不斷俾我嘅咸濕眼神
幫我攞古力cake同俾我Q嘅mini
仲有專登引愛飛而整意態療人南瓜包嘅冬菇妹
噢, 已經好想快d到下一次....
2008年1月19日 星期六
聖誕台の三玩
2007年12月26日
龍少同我一早check-out
向嘉義縣嘅阿里山出發
高鐵俾一般台鐵靚好多, 快好多&貴好多....
我地搭10:06am班車, 因為要係中途站嘉義落車
如果直去左營(高雄), 10:00am果班仲不停站架~
架車好似新幹線!
車箱好舒服好靚, 瞓吓醒吓
大概個半鐘就到嘉義站
如何搭台鐵, 最快果列車都要3個半鐘.....
高鐵車站好靚好modern
我地一到埗就打電話俾聯絡人
個男人叫我地係車站等司機黎接我地去台鐵車站
因為搭車都要15分鐘....!
但係等呀等呀... 等咗差不多20分鐘都唔見人
龍少又走開咗周圍影相
我都唔知點算好, 不斷係度行黎行去
搞到詢問處個姐姐不禁問我要去邊
佢就話冇奶油咁晏都唔黎接我地
因為上阿里山嘅小火山搭正點半就開
一日只得一班....
咁我就俾個聯絡人電話佢幫我問清楚
今次係個女人聽, 佢竟然叫我地自己打的去嘉義台鐵站(!)
吓????? 個姐姐仲叫我地買定野食, 因為果邊冇咩食...
唉... 唯有嗱嗱聲買個mos burger就衝去打的
好彩, 真係15分鐘就到火車站
當時真係一肚氣, 於是搵個負責人黎出吓氣啦
點知d台灣女人真係好溫柔
仲解釋番原來之前果個男人係幾日前已經俾人炒咗
所以.... 玩我地囉(!)
好彩我地依d人福大命大, 永遠都大步攬過咋
就好似上次差d滯留哈爾濱咁好彩, touchwood!
當個聯絡太太同我地confirm哂所有哂之後
龍少仲有時間去買番個飯盒食
之後就帶我地去搭小火車囉
其實上阿里山仲可以搭旅遊巴
時間仲短d舒服d
但係選擇阿里山森林鐵路係因為:
1) 佢係世界聞名三條登山鐵路之一
2) 由海拔30公尺爬至2216公尺
3) 以"阿里山對碰壁"之"Z"字型運轉方式上山
4) 鐵路與森林, 雲海, 日出, 晚霞並為阿里山五奇
所以, 點都要搭吓啦!
中途有登山人仕上山
不過衣著認真騎呢...
坐咗成3個鐘又多彎又掉頭嘅車程
終於都到阿里山站喇
真係好凍好凍, 果陣4點幾已經得番10度!
本來仲以為阿里山好落後好鬼魅
但係, 原來已經開發得好好
影完相已經有酒店人員係車站等我地
坐咗5分鐘車已經到酒店, 個天仲已經黑哂
好快咁攞咗房再上去睇
俾想像中OK得多, 好乾淨好整齊
起碼唔似怪...... 談......
不過~~~ 當時得果10度, 但係間房竟然冇暖氣
又得果一張薄被.... 點算!
於是落counter問吓啦, 佢地話果張係唔知咩竹炭被
好暖架喎... 唉, 唯有瞓覺果陣凍先算啦!
如果唔夠衫, 仲可以租衫著架~
咦? 熱水到夜晚10點?
本來習慣夜食飯嘅龍少
雖然果陣6點多都立即拉我出去食飯
食完周圍行吓影吓相
但係因為好凍好凍
又有毛毛雨, 龍少唔肯帶單眼仔出黎...
所以, 影得好少夜晚朦朦朧朧嘅阿里山囉!
係阿里山, d霧話黎就黎, 話走就走
真係有d似... 猛鬼街~
註: 當晚瞓覺果陣, 張被真係好暖喎
真係... 估佢唔到!
訂閱：
文章 (Atom)