雖然條頸嘅淋巴核仲未收
不過我確信我以好好多
龍少, 我隨時ready出發架喇!!!
上2個星期, 蛋糕小姐送了包新鮮但異常臭嘅新鮮酵母俾我
自從放咗係雪櫃之後
一直俾龍少寸我徙哂人地d嘢
我之前病到薯條都唔想食呀, 幾病呀
仲叫我搓包...... 哼!!!!
於是今日扯起條筋, 搓包去也
今次用咗上個月係台灣買嘅麵包書"孟老師的100道麵包"
再加埋蛋糕小姐嘅新鮮酵母
唔知效果會點呢?
今次嘅做型係衛星包
出黎個做型都唔差
內裡好鬆軟, 果然係新鮮酵母
不過整體唔夠味, 要搽花生醬先得!
另外仲有3個係用即溶酵母做testing
依家入緊爐
唔知到聽日會唔會又有陣酵母味呢?
追加 16/1/08 14:00:
到咗今日, 新鮮酵母整嘅包依然鬆軟
而用即溶酵母果3隻
依然都係有陣臭臭酵母味!!!
而且發得冇新鮮酵母咁鬆咁靚
咁即係... 聽日攞番袋酵母菌去換先
佢話換俾我架!
乾酵母做出黎真係冇咁靚...
沒有留言:
張貼留言