迷‧跌雞

唔知點解, 平時鐘意食雜糧多過飯

對飯依家野真係冇咩好感

飯只會食日本米同有味飯

每晚都係為咗龍少先免為其難食半碗

如果龍少唔返屋企食飯

麵、薯片、麵包、烚菜都可以係一餐!!!

之前龍少OT唔返黎食飯

又可以搞搞陣食其他野

今次學人用rosemary烤雞

原來真係好香好好味架

得隻雞脾仔唔夠飽, 所以再加多杯芝士焗粟米紅腰豆

唔食飯都一樣可以好飽架

飽哂!

尋開心‧下

好, 繼上回係香宮食到翻肚之後

本來想去試試"馬沙池"

但係....龍少同我始終都過唔到自己果關

所以都係是但行算喇

本來龍少想帶我去廚安居

不過心情唔太好, 冇mood行

而且去到佢又悶, 所以都係睇吓"番梘"就算

不過好開心買到2套好想睇嘅戲

就係"惡作劇2吻"同埋"交響情人夢歐洲版"

難得龍少肯陪我一齊睇

所以... 到依家都未睇哂!

之後又去書城打書釘

由於晏晝食得太飽

所以本來plan好去小肥羊嘅計劃要吹喇

改為去龍少飛佛"永和大王"

依間係龍少3年前係上海training嘅飯堂之一

大家記得的話, 係前年哈京遊龍少都指定幫襯

佢話果度嘅牛肉飯同吉野家有得fight~

龍少當然order佢嘅至愛~ 牛飯

而我, 就一定食咸豆漿

依度竟然仲好味過我係上海食!

仲有牛肉粉絲

豆漿都好好味, 起碼唔會剩係飲到糖味!

果日食完依餐就返歸喇!

雖然天氣悶熱, 行到超累

但係心情卻好番唔少

龍少認真大功勞

好! 都係時候要磨吓黃豆

整番樽自磨豆漿俾龍少飲喇!

見唔到

前排聽舊同學講

母校將要re-develop

即係全間拆哂再起過

真係大工程

所以就上番佢地個website睇睇有咩可以做

最緊要就當然係要各界捐錢先可以重建啦

當睇清楚個銀碼

OH NO.....

一個swimming pool要捐7個零

即係30,000,000 ~ 3千萬!!!!!!!!!!!

最平就係響celebration wall嘅bronze level度刻名

你估依個要幾錢?

...

...

...

...

...

你地無睇錯

係30萬~~

依d派頭野都係唔適合我地d窮等old girl架喇

一切在心中算啦!

之後再睇吓個current activity

噢.... 原來我最尊敬嘅老師有份係5月2號做火炬手

個list一直都係用佢中文名, 所以唔係咁留意

唉.... 激屎啦

果日我一直都有睇電視架

但係當跑完沙田覺得悶就熄咗

如果睇埋尖東咪好囉

To Mrs. Lau: 好開心你能成為火炬手之一

當年能夠被你培育過2年, 真係我嘅榮幸!

尋開心 · 上

前排心情超爛

龍少見我成日都"也母"埋塊口面

連胃口都冇埋

於是就趁勞動節假期

帶我北上尋開心

果朝佢好早就起咗身, 搞掂哂所有野先叫我起身

真係好難得!

其實上親深圳都不外乎食食食

第一餐又係去香格里拉嘅香宮$88任食午餐

今次個menu有少少唔同

但係款式真係好多兼水準好高

有多料灌湯餃x2、黑椒牛仔骨

足料海鮮粥、普通但龍少一定要食嘅蘿蔔糕

帶子腸粉、蝦醬鮮魷

鮑粒牛肉球、胡椒豬肚湯

鮑汁扒什菌、超水準蘿蔔絲酥餅

重豆味山水豆腐花、唔知咩蜂蜜糕

其實上次同肥媽媽北上接陳生放工

都黎食過一次

今次真係食得唔多

龍少話因為肥媽媽冇黎, 其實係自己心情差

不過個心好感謝龍少平日工作辛苦

有短假期唔休息, 寧願帶我行開吓

所以去完依個短trip, 我冇事喇

唔開心.... 都唔可以留俾身邊人!

至於下場, 待續

繼續... 住家菜

依餐係肥媽媽未返歸果陣煮俾陳生嘅其中一餐

果排真係超辛苦

每個星期六晚放工之後仲要趕住去街市買餸

買完再返去煮

搞得黎都成8點先有飯開

可憐陳生生於一個耕田家庭(!)

肥媽媽習慣每晚都係6點多就開飯

依3個月... 真係餓C佢囉!

好, 唔講咁多喇

開飯~

芫茜茶瓜皮蛋滾魚片, 超甜

鮮蕃茄燴雞肶

茄子金菇炆豆腐

仲有灼有機唐生菜

好彩陳生個口好有品

即使煮得唔好食, 佢都會食哂同唔會出聲話你

所以我先挨到咁耐

不過.... 近排佢開始爆發

成日同肥媽媽詐嬌扮可憐

哼~~~ 告枕頭狀......!

住家菜

終於都可以post番之前煮飯仔

其實相比之下都唔係d咩特別野

但係龍少食得滿心歡喜

依樣先係最重要!!

有香草焗雞翼

用錫紙包住焗會滑d

拿手麻婆粉絲豆腐

加粉絲因為索哂d汁超好味

仲有泰式炒椰菜

睇電視教原來蒜蓉後下會仲香

係真架...

今餐趕唔切煲湯

但係龍少唔介意之如仲將全部掃清

心滿意足莫過於此!!!

前陣子

前排有日放假

無無聊聊想同龍少拍吓拖食餐飯

於是走咗過銅鑼灣邊行街邊等佢

哈哈, 原來自己一個行CB都好有癮架~

之後龍少黎到, 本來想去食台灣野

但係等位等到呢.....

點知見到隔離唔駛等位, 龍少又肚餓之下

就殺咗入去開餐

一入到去坐低.... 屎啦

點解有陣異味?! 大佬, 有異味點食呀~~

本來我真係好想走

但係龍少話唔好意思喎

所以叫咗個經理開大d冷氣就算!!!

不過好彩佢個冷氣真係夠哂大, 一陣就冇哂咋~~

如果唔係... 真係邊食邊嘔呀!

食物尚算ok

食完行咗一陣, 我就開始嗲龍少

要佢帶我去食雪糕

哈哈, 佢唔出聲就拖我去HD喇

今次叫咗個Bailey set

好好味又唔苦

再加埋龍少都鐘意食嘅wild berry

真係一絕呀~

當晚仲拍住拖慢慢行去搭車

好耐都未試過咁浪漫喇!

肥媽節@滇家菜

上星期五肥終於都返咗黎

好開心趕得切母親節可以一齊慶祝

肥媽媽係一個西化嘅人, 所以佢鐘意食西菜多d

但係... 當一個人係外國成3個月

點都會想食番d中菜嘅~

所以我地就帶佢去食番個中式晚餐

去咗屋企附近嘅食雲南菜嘅滇家菜

當晚叫咗母親節餐

有雲南四小碟: 金桔蕃茄, 麻辣鴨舌, 麻醬茄子, 酸辣牛展

之後有杞子氣鍋烏雞翅, 唔知咩燒雞

薑蔥炒肥牛粒, 云腿津白

椒鹽排骨, 仲有搵唔到云腿粒嘅云腿蛋白炒飯

當然仲有肥媽至愛嘅甜品啦

有豆沙酥同唔知點解有嘅壽包!!!

今餐肥媽媽食得好開心

希望佢係往後日子日日都咁開心

身體健健康康, 唔好再叫我擔心就好喇~

Forever Love@Marriott Cafe

尋日係拍拖12週年大日子

當然要大事慶祝一番

連本來一向唔好西餐同buffet嘅龍少

都俾面同我去食番個浪漫dinner buffet

邊間? 當然我地有份入股嘅marriott啦

原因係之前join嘅marriott vacation club有20%off

咁抵~ 我依d cheap精一定唔蝕低啦!

一入去已經見到好多野食

有車仔檔, 各類海鮮, 大量甜品同熱盤

其中真係食咗好多海鮮

生蠔青口翡翠螺加菲蟹長腳蟹東風螺蝦北寄貝赤貝榮螺龍蝦仔.......

真係食到呢~~~ 不過長腳蟹好咸好咸...

去食buffet例牌一定要飲西湯, 點知好似溝水... 失望!

之後仲有大量花膠和牛等熱盤... 都唔錯架~

仲有好味雪糕, 今次唔知點解冇口味唔同咗

冇食古力只係想食wild berry同龍少嘅云厘嗱味!

至於甜品真係超哂班

個士多啤梨千層撻真係好味到呢~~ encore咗2次

仲有個芒果mousee cake~ 嘩... 龍少都好鐘意!

仲有個apple crumble, 蘋果酸但係crumble甜

balance番哂~~

至於依d一杯杯小甜點... 把鬼!!

最後當然要番杯凍O水消化消化啦~

原本依餐極之滿足兼滿意

仲可以同龍少拍吓拖撐吓枱腳

可惜... 隔離坐著2個C9嘈生哂

破壞哂D氣氛

而且... 唔知係唔係腸胃吸收得太好

定係果5隻生蠔太新鮮

返到屋企之後... 係咁"or啡啡"

嗱嗱聲食2包胃藥先好番小小

龍少吩咐連續幾日&已經煲落白粥~

到依家一共痾咗4次, 個肚仔仲有D痛呀陰公