不懂

前幾日收到好友寄來的醫貓

起初原以為又係什麼病毒什麼捐錢之類

點知睇落原來都幾有趣

咩topic?

"男人心海底針!"

先睇女人

　女友喜歡周杰倫，但她生日時，自己買了一張周杰倫的CD，並且包裝精美送給她，卻換來冷淡，甚至不滿意的神色。
PS.  如果在CD盒外面附一個鑽石項鍊的話，保證你變成100分情人，還管是誰的CD!(當然!)

　女友在某些日子，隨時亂發脾氣，毫不講理。
PS.  因為大量失血，導至精神失常。男人就看開點... (雖然每個月都差不多時間, 但係每次發脾氣都係會問"你係唔係M?)

　女人為何總對某些日子牽腸掛肚？如相識紀念日、初吻紀念日，當然還有她父母兄弟姊妹的生日等等
PS.  因為女人記性永遠比男人好! 而男人總是這點最讓人詬病。(所以要經常train up)

　為何女人都喜歡毛絨娃娃、鮮花、婚紗相片?
PS.  你錯了! 女人還喜歡現金、鑽石、珍珠...! 娃娃、鮮花只是貪得無饜的開端! 
(完全正確, 其實仲有名牌, 旅行......!) 

　選擇窗簾布時，女友和自己意見有別，但她總會在當時順從自己的意見，但事後卻總找機會發脾氣一番。 PS.  總沒有人希望對方完全沒有主見，像個啞巴吧？尤其對方還是個大男人!(咁又冇喎, 因為我都唔識揸主意)

　女友在情人節前早表明不需要送花，但在情人節當天如果沒有花束肯定會鬱鬱寡歡。 PS.  你知道的，在某部分女人說〝不〞，就是〝要〞！ (有就固然好, 但冇都可以, 不過如果折現仲好!!!!)

　女人為什麼會相信將烏黑的泥塗在臉上便能美容；又會認為電燙了的眼睫毛會更加美麗？ PS.  當女人在臉上塗塗抹抹的時候，只不過是希望能換來你的一句：妳今天看起來好漂亮!(一定啦, 如果唔係搞咁多野做咩~) 

　女人為什麼很少喜歡暢談哲學、理想、政治呢？ PS.  因為她們的腦子全都在記你喜歡吃什麼、穿什麼、喜歡什麼顏色!(仲有腰圍, 頸圍, 底衫放係邊, 邊件褸要攞去洗, 今晚幾點返!) 

　一個柔弱、依賴性強的女人，可以在剎那間變得非常堅決。 PS.  那也是被你們男人給逼的！

　女人為何害怕機器，電器等等；即使換一支日光燈，也要請電器工人代勞？ PS.  下次換你們給小孩餵奶、換尿片，看看你們還有什麼話好說了！ (如果咩都識整仲駛咩嫁人, 呵呵)

　為什麼一些三十歲以上的女人，還會旁若無人地追著偶像尖叫？ PS.  同理可證，30歲以上的男人，看到全裸舒淇站在面前，又有何反應？ (我估都係!)

　為何女人喜歡穿性感衣服，卻又擔心走光？ PS.  因為就是男人愛看啊！ (bingo!)

到睇男人

　男友為何總不肯跟自己商量，就偷偷借錢給朋友，而且永遠不會試圖討回欠債？ PS.  這是男人之間的事，女人不懂的啦！ (係呀)

　男人為什麼總迷戀那些「波霸」？ PS.  這是男人之間的事，女人不懂的啦!(咁又唔知喎)

　男友總是抗拒和自己母親吃飯。 PS.  這是男人之間的事，女人不懂的啦！
(好彩冇! 係我抗拒啫... 呵呵)

　男友明明不喜歡喝酒，卻會和朋友流連酒吧直至深夜。 PS.  這是男人之間的事，女人不懂的啦！

　即使是才氣滿溢的男人，也可以說粗話、「八卦」、不講信用、自我吹捧。 PS.  這是男人之間的事，女人不懂的啦!(係唔係鐘意認叻?)

　一個有正常性生活的男人，還會偷偷看色情雜誌、色情錄影帶，甚至偷偷自慰。 PS.  這是男人之間的事，女人不懂的啦!(真係唔知喎~)

　男人為何永遠不能將自己送給他的禮物，好好地收藏或帶在身邊？ PS.  這是男人之間的事，女人不懂的啦!

　一個成年男人，為何仍像小學生一樣需要認同和讚美？ PS.  這是男人之間的事，女人不懂的啦！(係呀)

　有些男人對音響設備、相機、電腦等機器，總是比對自己更加呵護，而且時時表現得更加感興趣和興奮。 PS.  這是男人之間的事，女人不懂的啦！
(絕對係)

　男人為什麼喜歡看女人走光，但卻不會刻意跑到天體海灘看裸女？ PS.  這是男人之間的事，女人不懂的啦！ (未試過, 唔知)

　男人為什麼總愛先天下之憂而憂，總對地球另一端的東西感興趣，如波斯尼亞局勢、中東和平等等？ PS.  這是男人之間的事，女人不懂的啦！

　男人即使和女友或太太沒有感情，還是不會主動提出分手。 PS.  這是男人之間的事，女人不懂的啦！

　男人掉了東西，總會埋怨是女友或太太把東西弄掉。 PS.  這是男人之間的事，女人不懂的啦！
(依個係日日都會發生架~)

所以當你問男人點解總係：『依d係男人之間的事，女人不懂的啦！』 男人一定回答你：『依d係男人之間的事，女人不懂的啦！』 所以邊個話女人心，海底針啊？ 
男人 仲深呀, 簡直係黑洞一樣夠哂寫實哩~

From愛飛

上次321喪標聚會之後

我抽到愛$38飛臨時臨急買嘅kamchi同媽媽麵

依份禮物要煮, 煮完仲要post先叫做交咗功課

但係前排胃痛得緊要

所以延遲到今日先煮依個"辣屎你阿媽"咪麵!!

原來依隻媽咪麵係"搭船麵"黎架

咩叫"搭船麵"?

咪就係以前細個搭果d大船入大嶼山

上層有個小食部, 我次次搭親都一定食要架

如果唔係就唔似搭過船!!!!

講開搭大船

唔知你地會唔會有d情意結

細個果陣每次都一定要出甲板企, 吹到頭都甩都唔會返入去坐

仲有一定要帶副盲人黑超先夠威~~

呵呵呵

愛飛, 多謝你令我有番舊屎嘅情懷...

甜到漏

之前買嘅薄荷葉開始謝皮

好多葉都濃咗

我已經專登轉咗佢做水種啦

仲有肥有空氣... 點解會咁架???

==========================================================

近排經過街市

見到d"屎多啤你"超平

雖然唔係d咩貨色, 但係都俾佢嘅顏色吸引

前幾日龍少仲買咗幾盒番黎孝敬我(!)

雖然細粒咗d仲有d酸

但係都有"屎多啤你"嘅香味

都算ok

由於酸咗d, 所以加咗d蜜糖點黎食

原來可以好好味架~~

五喪復活@mini home

勁呀, 五喪今個月內又有聚會

仲係同魷魚(minicorgie)慶祝大壽

所以成班人就去咗魷魚屋企打搞

因為只有私人地方先可以由朝玩到晚都唔俾人趕

同場仲有患驚恐性之石頭夫婦

你地估吓邊個隻腳指公周圍郁? 估中遲d自己去書局買大少奶本書!!!

一去到大家已經喪精上身

玩... 咸蛋蒸肉餅, 玩... 唔駛覆我架

玩... 雞仔定鴨仔? 玩... 饅頭定壽司

仲有... 扮奇拿!!!!

下午茶有魷魚鴛鴦 + 五喪godiva古力餅

發發癲癲玩玩切切, 大概7點開飯~

全部晚餐都係自家制, 好勁呀!

我做嘅西洋菜麵包做嘅"撕殺"salad

少奶自制豬頸肉, 本來唔只咁少架~

石頭爆出黎嘅特濃雜菜湯

vanlily即搓兩食peter仔, 有豬頸肉同煙肉

mini撩出黎嘅薯蓉焗田螺, 好滑好香呀~

愛飛特別為我個胃整淋d嘅黑菇risotto

仲有愛飛西班牙烏龜酒, 不過當日胃痛冇得飲!

生日party, 當然唔小得生日蛋糕啦~

有餅神係度, 又點駛擔心冇星級蛋糕食呢....

依個係...法蘭西白桃?南杏???蛋糕

好sweet好好味, 十足十餅神一樣!

五喪聚會, 當然又會有交換禮物時間啦~

今次主題係$38煮一個餸, 但係比較正經

我抽到愛飛份好味媽媽麵+kimchi

愛飛竟然又抽番我果份, 但係... 唔知佢煮唔煮呢?

當晚表演嘉賓:

~~~大少奶之小露寶~~~

大少奶終於都忍唔住係日本買咗佢番黎

仲帶咗佢黎表演俾mini睇

佢.... 真係好勁架!!!

TO: 四喪+石頭

你地令我人生每分每秒都充滿光彩

令我唔再旁惶, 唔再黑暗, 唔再恐懼

我會... 我會... 忘記過去, 勇往直前

記得.........唔好唔覆我呀~~

TO: 魷魚

324生日快樂!

希望你D淚線唔好再咁發達

唔好成日喊喇, 如果唔係.... 我唔覆你架~

古得起

前排心情有點不佳

又不斷典床典蓆咁想食蛋糕

但係一諗到整完得自己一個人食

會破壞進行緊嘅減肥嘅好事

點呢?     整? 忍? 買?

"不如... 一次啦, 一次咁多啦~~~"

跟住突然心裡面聽到一聲

"好....啦......"

哈哈哈, 個天都叫我食喇!

今次懶到唔想攞個打蛋器出黎

所以決定整最簡單又古嘅brownie

噢... 今次加多咗黑古力同古力粉

但係又減糖

得出黎係 = 夠哂古同苦

正!

加埋rapsberry醬, 又酸又苦

絕呀~~~

健康古古力

很多人以為朱古力是高脂食物，一定對心臟有不良的影響，但其實朱古力中的飽和脂肪為硬脂酸，吸收後會被肝臟自動轉化為油酸，屬健康脂肪類別，已被證實不會增加人體血膽固醇含量。

更有研究發現，吃朱古力可減少患心臟病的機會，因為可可中含大量多酚類物質，屬強力抗氧化物。 這類抗氧化物能防止血管動脈閉塞，與紅酒、綠茶、蔬果等所含的抗氧化物相似，有效預防心臟病。

要健康，也要吃得適可而止，因為朱古力中還有不能轉化的飽和脂肪棕櫚酸，大量進食仍有機會提高血膽固醇。

另外，朱古力的多酚類物質，據講有預防癌症的作用，可以清除身體中的游離基，減低對身體的破壞。 最近在日本有研究更進一步證實，朱古力有減少患皮膚癌的機會，原因是可可中含一種叫Epicatechins的物質，實驗證明可以在動物皮膚上抑制腫瘤的形成。

內含銅質令精神充沛
朱古力含豐富銅質，每28毫克純朱古力中便有0.2毫克銅。 銅質能幫助身體製造紅血球，紅血球將氧分帶到身體各個細胞，細胞活躍，自然令人皮光肉滑，精力充沛，減慢老化速度。

提神醒腦不會上癮
一塊40克重的朱古力，約含15 - 30毫克咖啡因，只有1杯6安士咖啡的十分一。 咖啡因能刺激大腦神經，吸收過多卻可令人神經緊張及失眠，因此適量進食朱古力可有助清醒頭腦，減輕疲憊感，又不會精神緊張。 而朱古力也不像香、酒、鎮靜劑等，會讓你養成依賴性，甚至上癮和危及健康，所以老幼咸宜。

朱古力也可抗抑鬱，能令大腦產生開心平和的感覺。 當我們憂鬱、沮喪，或需要安慰時，不妨進食朱古力，以減少鬱悶感覺。

扮賓賓@CEBU(水曜日)

2月13日年初七

今日係最後一日係cebu喇~

雖然依幾日行程ok但食物完全唔得

但係, 可以同龍少外出hea吓嘆吓

其實去面都係一樣啫~

(只要果度冇得上網冇財經消息就ok)

雖然依邊野食係差

但係前一日去完bohol之後返去SM mall食晚飯

心諗貴又係難食, 平又係難食

不如食平d, 個心都冇咁唔開心

點知.... 往往就有驚喜!

我地是但入咗間叫"超群"嘅快餐店

龍少叫楊洲炒飯加燒賣

我就要雞肉湯麵

依餐竟然好得喎, 飯炒得夠乾又香

碗麵唔係扮廣東麵, 個湯都好好飲架~

依餐總算係臨走時俾番小小安慰!

由於每日只得一班機往來香港同宿霧

所以我地要搭中午機走

臨走當然去食番飽個早餐先啦~

之後龍少想去游水.... 點知....

大風得濟, 完全落唔到海~

就連想係沙灘曬太陽都唔得

因為風吹到好似沙塵暴咁

唯有走去影吓個lobby~~

睇吓d椰樹吹到....

之後就執好行李返歸喇~

cebu個機場真係超細

成個機場得一千零一間免稅店~

仲要冇食肆!

當我地一入哂閘佢地亦都拉閘放工喇

賓人真係懶~~~

CX"油"雞意粉同"鞋"魚飯

就係咁, 5日旅程就此結束~

今次旅程俾我地知道

原來賓賓懶係有原因架~~

唔係佢地本身懶, 係因為成個民族都懶

所以... 各位主人

依D唔係佢地嘅錯, 係社會嘅錯先啱!

而龍少亦都話: 以後都唔會請賓賓(?)

OH NO......

仲有, 原來7D都會out of stock.... 唉... 一包都冇!