From愛飛

上次321喪標聚會之後

我抽到愛$38飛臨時臨急買嘅kamchi同媽媽麵

依份禮物要煮, 煮完仲要post先叫做交咗功課

但係前排胃痛得緊要

所以延遲到今日先煮依個"辣屎你阿媽"咪麵!!

原來依隻媽咪麵係"搭船麵"黎架

咩叫"搭船麵"?

咪就係以前細個搭果d大船入大嶼山

上層有個小食部, 我次次搭親都一定食要架

如果唔係就唔似搭過船!!!!

講開搭大船

唔知你地會唔會有d情意結

細個果陣每次都一定要出甲板企, 吹到頭都甩都唔會返入去坐

仲有一定要帶副盲人黑超先夠威~~

呵呵呵

愛飛, 多謝你令我有番舊屎嘅情懷...