馬拉蟲

原本有2個生日飯撞期

原本只係同2月之星補祝生日

原本只係食燒肉

原本只係食預咗食2個鐘

結果...

去咗中學同學補祝飯

跟手預祝埋三月之星

食完燒肉再去食壽司

仲要食足成晚~ 7點半食到12點

是日晚餐... 認真豐富!!

第一餐係"盛八"燒肉

一行八人都已經叫咗好多款

牛胸腹牛肋骨黑豚肉牛舌雞肉雞軟骨羊架沙律炒飯撈飯等等.......

但係... 每碟每人都只係得一小塊

影得相黎都差d冇得食

最終放棄唔影不斷燒燒燒!

食物唔太精彩,  份量又細碟, 服務又唔好...

當我地仍然等緊人之際

d經理不斷問我地係唔係埋單

又突然攞咗身邊2個位間開俾其他客.....

無奈!

食到依個時候, 個肚依然一d感覺都冇

龍少已經不斷催去下場

經友人外出視察環境之後

我地決定轉戰樓上食壽司

10點後喪飲喪食!!

上到去, 點解個場似bar多d?

仲有枱枱都有nuts...!

一坐底我地一班又瘋狂落單

今餐仲順便慶祝埋三月之星, 哈!

又剌身又壽司又酒~~

一共叫咗3round, 叫到好似唔駛錢咁

食吓傾吓玩吓

話咁快又12點

平時11~12點先食晚飯唔出奇

但係一個晚飯要分2場仲食足4個幾鐘~

仲勁個食buffet!

朋友W朋友S: 是次生日活動應該好難忘吧!!!

今日玩完, 又要收拾心情聽日再癲過