認真大獲

前排因事要搬搬抬抬

唔覺意+以為冇事之下

坐骨神經又再神經起黎~~~

雖然每次都會痛屎

今次亦以為只係好以之前咁

只會痛到行唔到+瞓唔到兩三日

點知.... 唔去推拿都唔知咁嚴重

原來腰堆肥大(起初我仲以為醫師笑我條腰又粗又肥咋)....

佢話右腳仲已經有小小開始痿縮(!)

所以...

黎緊每個星期都要去推

推果陣仲痛到我不斷標汗標眼淚, 咩野標得出都標!!!

推完次後成個背脊至大腿仲痛到掂都唔掂得

行路唔順, 彎腰唔得, 企又唔得, 坐得耐都唔得

........

醫師話如果我忍得痛, 勤力

都應該可以好番達9成(咋?)

唉~~ 希望可以快d好番啦

青青BB

哈哈, 順德+佛山旅行真好玩

可見識到咁多武林中人

又可以搵到爺爺後生時嘅威水史, 真開心!

講時講, 真係好耐冇煮飯

依排都只係煮吓麵炒吓飯啫

正正經經煮一餐已經係上兩個星期嘅事囉

因為之前買咗本cook book

有龍少鐘意食嘅青咖哩

睇吓睇吓, 又唔係好難咋喎

加上街市附近嘅東南亞鋪頭所有材料都齊哂

仲唔煮真係對唔住龍少啦~

煮好出黎果陣味, 真係同泰國食過嘅好相似

因為落足所有材料!

cook book教用牛扒

但係我用雞扒去膏去皮

仲健康仲好味啦~

呵呵呵, 真係正~

龍少全部清碟, 仲話同泰國果d一樣咁好味呀

又再"令"野

我又腸胃炎喇... 星期一仲痾到返唔到工....

唉, 依家個肚仲"也母"住痛耶!

星期六仲要跟龍少師父上佛山觀摩

點算?!

==========================================================

係未開始肚痛之前

去咗同龍少打打氣加加油

因為佢要打公開黏手比賽

其實我真係好驚睇依D比賽

唔係驚佢冇獎攞, 而係好擔心佢會受傷!

好幾年前佢參加大專杯抬拳道比賽果陣

我真係驚到唔係好敢睇~~

最後, 好彩見紅

而佢, 只係輸俾個韓國人, 得亞軍!

獎牌我仲有keep住架!

到今次, 睇過初賽d參賽者

真係嚇一跳

因為果班街外人個個都好似揸貨van代客泊車咁

而且仲打得好狼好狠...

去到會場, 仲見到會到佢黏果個飛仔

帶埋一大班人黎踩場, 場面真係嚇人!

好彩... 依個比賽係點到即止

如果蓄意用重力會取消資格

龍少果場之前都有人取消咗

點知到龍少... 果個飛仔一d都唔留手

俾人warn咗幾次都仲打龍少

嘩..... 我個心痛到呢.....

天係有眼架, 龍少最終以技術佔優而勝出!

不過, 佢個咀唇都俾果個屎飛仔整傷咗

之後下一場就係冠軍爭奪戰

其實我唔係懷疑龍少技術

只不過對手手長腳又長

所以.... 得亞軍, 但係都可以係葉問大會度領獎

龍少, 你真係好叻架~~~

p.s. 冠軍果隻長臂猿係蕉嫒個fd黎架....!

補祝生日

多謝, 多謝北冕賞賜一日假期

終於都可以周龍少係輕鬆吓~ 煲煲碟!

------------------------------------------------------------------------------------------------

7月尾係準爸爸賓尼大日子

由於大家都係大忙人, 等到8月頭先可以聚聚

本來想去食日式放題, 可惜人太多&太full

所以轉戰壽星公家鄉菜 ~ "嚇瓜好棧"

由於同枱都係好酒之人

加上wing小姐極力推介

先要支糯米酒開開胃

唔.... 真係好香好甜架!

跟住一人點一個餸 ~ 碧綠卷

梅菜好好味的梅菜扣肉

唔幼嘅牙簽骨

微辣惹味的雙椒咸肉菜苗

清清地籠仔蒸豆腐

膠膠地牛骨髓

以為係"三少叫"嘅三小什菜煲

仲有我叫嘅重頭戲 ~ 酥皮雞

先起皮, 好香好味呀~

再有雞, 好滑好味, 不過太少喇!

有梅菜扣肉又點可以冇飯

不過依碗飯.... 快d攞張黑頭貼出黎, 好多"白頭"走哂出黎呀~~

賓尼先生大壽, 又點可以冇壽包?!

不過... 依個角度睇... 好咸濕耶...

反而依幅好d, 好d!!

正餐食完, 我地依班冇奶油唔去食甜品架

結果... 掛住笑掛住食

完全唔記得影相!

賓尼先生: 祝你7月生日快樂

再祝你同Joanne嘅小公主順利出生

依排記得預備定20斤糯米酒, 2日蛋, 有肉豬腳.....

哈哈哈....

六月黑鬼游dAy3pM

游完水後, 當然第一時間去醫肚

剛出酒店附近, 竟然已經聞到香味

噢... 原來係炭燒串燒... 正!

一串都只係5bath~ 而且仲係炭火燒

龍少忍唔住買咗4串先, 超好味!

之後過對面買starbuck, 點知佢地做promo

送咗杯小小dark choco俾我地

好好飲呀... 下次再買大杯先!

暫時止住個肚之後, 就去唱錢, 再去食雞飯啦~

依個係龍少返bkk嘅原因之一!

環境一般, 有小小懷舊feel

每次幫襯, 龍少一定叫半隻雞+兩碗飯!

先有2碗好好飲雞湯

仲有雞飯靈魂之一.... 辣豉油

起骨半隻雞, 真係連雞胸都滑架~

當然唔少得超好味雞飯... 一流!

當食飽飽, 突然風雲變色, 落起大雨.....!

點算? 本來都想係度留多陣

但係又唔想阻住人地做生意

結果都係... 攞住遮都濕哂身!!!

成對拖鞋濕到滴水...

所以都冇周圍去, 只係返去附近siam paragon行行街

買買bra, 食晚飯算喇!

今次又返去食fuji, 由於個雞飯仲未落隔

所以只係叫咗個sushi set

同埋雜綿天婦羅就夠哂!

因為fuji唔俾影相, 所以依2張真係好辛苦先偷影到咋~~

食飽飽之後, 又係時間去做message喇

去邊? 咪又係去方便舒服嘅body tune囉!