再見了.........美好的時光~

再見了.........美好的時光~
因為...... BF終於完結了

Audrey BB 27個月了，亦都係我這個BF Mum工成身退的日子！

回想起這27個月的BF日子，真的不容易。
由開始時唔識餵、到怕唔夠餵、戒口戒得好清、病又不敢吃成藥、很多東西都不能做（如塗指甲、染髮）、再加上很多閒言閒語..... 真係差點放棄。
幸好龍少不斷鼓勵支持，先可以撐到27個月！

一開始BF時已想過餵到24個月，因為覺得已經過了2歲，可以給予的抗體營養都應該給了，
我想現在的營養都應該來自新鮮食物吧；
而且開始懂性，唔想Audrey BB再做些尷尬行為；最大原因係......... 開始咬人！哈哈哈~~~~~

但....... 原來戒比餵更辛苦！
之前試過好多次，Audrey BB每次都喊到天光，龍少忍不住又要我餵~
但好搞笑地，明明當時想替她戒夜奶，朝早那次仍可繼續；

怎知夜奶戒不成，無端端的戒了早奶！戒不掉夜奶的第二朝早上，Audrey BB一早起床不叫「食奶奶」而叫「食包包」，當然她沒有再要求我就完全不提了！

暫時，Audrey BB已經戒了個多星期。
去新加坡第一晚回到酒店時，龍少話不如試試今晚不餵奶，看看可不可行，
於是大家一路都不提這事，到睡覺時照和她唱goodnight song和goodnight kiss，之後就睡了!!!
之後幾晩都意想不到的順利！
直至回港當晚，她突然提起，幸好回家時預備了鮮奶，就試試可否代替。
幸好喝了一整杯、哭了一會就睡了，直至今晚都係一樣！希望之後可保持吧~


TO Audrey BB：我想你真的大個女了，
mama真的很不捨，這27個月每日都可以有獨霸你的時間，每次都可令你安靜和安眠更令我超有滿足感。
擁你入懷的感覺只有BF過先會明白，那種親密、心連心的感覺，真的一世也不會忘記！
雖然為了BF，犧牲了很多（包括變了樣的body shape!!!），
但我想我不會後悔，因我已將這世界我能給予最好的都給予了你，
希望你可身體健康、快快樂樂的成長！
當然，naughty 2的階段愈快過去就愈好吧！

P.S. 在此祝所有BF媽媽繼續努力；不能BF的媽媽也不要給自己太大壓力，盡了力就ok了！

3個人比2個人好~

等等等....
由4月頭BOOK機票BOOK酒店... 等了2個月的親子遊又完成了...
點解去玩的時間永遠都過得快過等待?
今次目的地係龍少以前發誓永遠唔再去嘅.............新加坡!!!
原因係8-9年前龍少出TRIP到當地差不多3-4個月
當時果邊真係冇咩野玩, 只係食物好食, 所以佢話果3/4個月受夠了
不可能再去受苦!!!!

但係.... 點解今次又去呢?
因為可以同Audrey BB去嘅地方已經唔係太多
日本... 已去了沖繩、九州、本州, 台灣又去了....
泰國感覺對小朋友又太污糟
澳洲天氣又凍
歐洲好似又遠得滯
得番新加坡.... 龍少真係爭札咗好耐先肯俾我BOOK機票咋~
仲問我駛唔駛去5日咁長呀.... 3日咩都夠啦~~~~
哈哈....

但係, 今次去完返黎, 我地已經將新加坡從"永遠唔去"嘅list轉移至"可考慮再去"
因為, 新加坡真係變咗好多好多
多野玩咗好多, 地方靚咗好多, 交通亦方便了好多, 食物大碗咗好多......
最緊要係因為.... 
今次同埋小魔怪Audrey BB去
好多地方2個人跟本唔會去, 好似動物園水族館坐船仔.....
亦都因為隻小魔怪Audrey BB去到邊都搞搞震, 俾佢激到扎扎跳時又好好笑
所以... 每一個地方都好難忘
其實... 唔知究竟係新加坡真係好玩咗, 定係多咗個, 因而原本悶嘅地方變得更有色彩??~