噢擔心.... 噢...擔心

喵喵同我一樣好down~~

上星期六managerial accounting mid-term. 本來一心諗住有成個星期溫, 今次一定攞硬A啦, 點知溫吓溫吓, 愈溫愈唔對路. D notes好似愈溫愈難..... 仲要溫黎溫去都唔入腦!!!星期五晚仲竟然溫到喊, 真係失禮! 少就叫我唔好咁大壓力啦, 不過依家讀書好難做到冇壓力, 因為身邊個個同學都好在意畢業時攞唔攞到何first honour~ 唉, 而我依家嘅GPA累積只係可以攞到third honour咋, 你話唔緊張就有鬼! 所以我黎緊果d科都要醒醒定定, 唔可以低過B先可以有個second honour囉~~ 天呀.... 好驚今個星期派quiz呀..... 

好味好咪~~

依碗嘢正唔正呢?! 係我前日上"大少奶"個blog, 見到佢教人整

"朱屎磨菇洋蔥蕃茄螺絲粉", 不過因為屋企冇磨菇冇洋蔥, 得椰菜蕃茄同螺絲粉, 是但啦, 都係我一個人食之嘛.... 不過又真係好好食, 好耐未試過自己一個人嘅LUNCH都咁正!!! 真係有D感動, 同埋好多謝大少奶, 因為有時唔知食咩同悶悶地, 佢個blog真係幫到我好多架~~

中秋大餅

^^^樣衰奶王'月餅'                                                              ^^^好味but樣衰麻糬波波

哈哈, 依兩件極品就係響我中秋正日放假做架喇~ 雖然樣衰小小, 但係都幾好味啦. 本來可以靚d, 但係話哂第一之整餅嘛, 哈哈哈.... 而果d麻糬波波就因為俾哂d靚嘅肥媽咪, 所以你地見到依D係最醜樣果D囉!! 屁屁, 唔好笑我呀, 大少把口咁臭都話第一次整算你咁, 你都應該讚吓我啦. 或者下次你返到黎我已經整到又靚又正, 好似我咁呢. 哇哈哈~

生日大哂

依隻就係為食龍少爺送嘅生日禮物喇, 雖然唔係好貴, 但係我都好鐘意, 因為我好恨有隻3針錶, 仲要係man size果款!!! 其實龍少一向買嘢都幾老土, 但係今次點知又買得幾好睇喎! 依家有好多3針錶都係扮架, 又唔pro喎, 仲要做到lady size, 咁細隻但係又係3針錶我就覺得好唔妥囉~~ anyway, 龍少, 多謝你依份久違嘅"尿壺"... 

生日深圳3日遊

^^ 深圳小肥羊

^^老北方餃子店

國慶依兩日我地兩支公去咗深圳食食食, 真係好正! 我地去咗小肥羊, 餃子店, 粉腸王.... 仲有最cheap嘅一間'中森明菜'! 我地去小肥羊兩條友食到傻先食咗百二蚊咋~ 仲又食又攞! 真係抵過hk好多, 唔怪知d人咁鐘意返深圳食嘢啦~ 其他嘅嘢食都好正, 但係... 果間咁嘅死人'中森明菜', 真係想死, 好難食, 又貴, 個環境又腥喎~ 我地食咗3樣嘢要成16x蚊呀~~ 你話好食就話啫, d壽屍飯又黏又爛, d魚又腥, 賣相又醜樣, tempura又貴又小... 所以我地都冇心機影相. 但係好奇怪嘅就係, 其他枱枱都re-order, 又清哂所有嘢喎... 但係自問我地又唔係咁嘴鵰啫, 我地成日食街邊嘢啦~~~  不過我地以後一定唔會再去依間咁嘅屎嘢, 雖然我地食完之後冇肚痛, 但係個肚同胃就悶住悶住咁, 搞到夜晚都冇胃口, 終於響生日果晚就食粥當慶祝~~

生日快樂

今年生日係我咁大個女第一次唔係HK過, 真係有d老土.... 不過冇計啦, 因為生日撞正國慶前後, 去邊都唔抵啦~ 不過今年為食龍少爺就同我返咗"身震"玩吓食吓, 真係好! 仲有, 佢帶我去咗果條好出名嘅油畫村~大芬村! 原來果度好遠架, 係布吉, 仲要係出咗關口先到. 我同龍少講: 嘩, 你真係好喇, 生日帶我去布吉玩, 哇哈哈...  由於以前讀書年代小妹讀過吓"呃錢", 所以都對d畫有小小知識咁啦, 而咁多個畫家我最"屎歡"梵高"所以去到果度周圍搵佢d畫, 搵呀搵呀, 最終俾我揾到我最鐘意果兩幅畫, 左邊果幅就係向日葵, 右邊果幅就係星夜, 嘩----靚到呢...... 不過我買果兩幅就當然冇依兩幅咁正啦~~ 仲想點喎, 兩幅夾埋都係人仔60皮咋, 真係~ 登d大6嘅藝術家可憐!!!