龍少萬歲

難得一日中秋假期

諗住就咁輕輕鬆鬆懶懶散散咁過 (雖然日日都係)

但係龍少突然想露番2手咁話~

所以我地食完lunch就去咗買餸

難得龍少肯大開殺戒, 所以一定要叫埋肥媽媽一齊黎試菜啦

本來龍少好想煮番餐海鮮宴

但係... 唔知係咪因為仲係中秋緣故

好多海鮮都貴過平時幾倍~

所以... 得番2樣!

↓酒釀珍教嘅花鵰蛋白蒸蟹

明顯地, 慳家的龍少唔捨得用太多蛋白~~~

↓煎封蒼魚

條魚係新鮮魚, 佢可以煎到皮脆肉嫩

龍少好犀利呀~~~

↓豆角叉燒炒蛋

賣飛佛是也~

↓生菜

↓香濃牛尾湯

嘩, 仲好味過街出面~

真係好感激難得一天假期

龍少都肯煮一餐豐富嘅晚飯

亦都好開心可以肥媽媽一齊分享~

後記:

一連3日假期

龍少將帶同小妹著草3日

星期二大日子再見~

十月大哂, 大哂大哂大哂大哂大哂大哂~~~

沮喪的中秋

雖然蛋糕尚算好味

但係~ 個樣絕對唔見得人...

..........

唯有再整招牌桂花糕頂擋

頭痛ing

後記:

仍然祝各位中秋節快樂

繼續沮喪.....

Triple吉

自己一向都好鐘意食漢堡包

但係依家麥當當嘅包包愈來愈唔好食

龍少同我鐘意食嘅MOS burger又唔就腳

Triple's O 又嫌貴唔肯試 (但係如果跟飯就例外)

所以久唔久係返學前先買隻俾自已食~

今朝起身好想好想食漢堡包

但係屋企附近只係得果d茶餐廳核突又唔好食嘅

所以一於落街買碎牛肉學陳圓圓咁自己整

其實... 真係好容易~

不過因為第一次煎塊扒, 唔知應該煎幾耐

所以... 乾咗d~~

不過都一樣好味

因為可以加好多茄汁, 可以加pickles, 仲加咗好多洋蔥粒, 正!!!

一包碎牛做到2塊厚牛肉
所以順便做多個俾龍少做飯前小點(!)
冇錯, 漢堡包只係做晚飯前嘅小食
好彩佢都話好味~~~ 一身鬆哂!

後記:

原來上一篇已經突破200大關

好嘢~ vanlily應承整蛋糕賀我呀

咁, 幾時呀? 

太太好大力

一直以黎都都覺得

做人太太好應該每日都為老公煮番餐好

老公每日都係出邊拼博, 衝鋒陷陣

係工作上雖然幫唔到佢

但係係屋企, 就應該好好地煮番餐當作鼓勵~

不過... 原來做一個全職煮婦真係好困難!

由諗買咩餸到點切點煮到煮好都係一門好大嘅學問

依家晚晚唔係仲未收工就係返學

而龍少又自認係廚神, 真係好大壓力~

想煮餐好嘢都好驚又好難!

上星期有一晚同時有幾個學生一齊請假

好, 就一於煮獲勁俾龍少嘆番吓先!

首先煮咗個肉碎茄子煲

加咗辣麵醬同洋蔥, 又香又辣, 龍少都話一流!

之後有牛魔王攬住金菇, 因為係第一次煮

龍少話都算唔錯~

我仲用咗牛肉湯個醬黎做汁, 好味~

雞翼人又出動喇~

今次用自去溝一吓雞翼人.... "蝦醬雞翼"

龍少超鐘意, 唔知係唔係因為我???

是晚仲有椰子紅蘿蔔粟米煲鮑魚骨

仲有綠豆沙做甜品~

真係超豐富嘅一餐

黎緊仲有大半年就畢業

希望到時可以幫輕龍少, 可以煮多d好嘢俾佢食!!!

大過你塊面

一向都唔太鐘意食茶餐廳乜餐物餐

通常佢地嘅奄烈都係薄如白紙

另外又加送1大匙油做saucing

細個第一次食唔驚屎, 諗住隔起d油就照食

點知半個鐘頭後奄烈急call要出大海游水......

依家睇見都怕怕

幾年前有次跟肥媽媽去買餸

佢帶我去間冰廳到食下午茶

仲話叫個特餐兩份, 本來我打屎都話唔食

費時一陣又要去搵地方釋放

但係肥媽媽話d嘢食黎到先講啦~

嘩, 首先杯餐飲好大杯, 真係2個人先飲得哂

份多士焗得乾身脆口

之後... 戲肉黎喇~

講真, 我真係未見過咁大份奄烈, 仲要係跟餐!!!

闊度大成日塊面咁大, 高度約有2.5cm

肥媽媽同我估計個奄烈應該有4-5隻蛋

真係1個人都食唔哂

而且仲有個肉絲湯意粉跟尾~

如果自己一個都食得哂依個餐, 咁即係你真係餓得好交關....

份量大都只係$23, 轉凍飲轉多士都係各加$1

除咗特餐抵食之外

佢地嘅三文治都同樣驚嚇

單一份蛋治有成寸咁高, 沙爹牛治都係一樣

就連龍少咁咀雕都話好味又抵食

不過唯一唔好就係好多人

成日都要係街等位, 等到你唔好開心住

因為佢d枱好細張, 2個人要同其他人搭4人枱

真係想伸個懶腰都會打親人!

 <... 其他小食都好好味 <--- 我嘅至愛, 超大杯特濃華田
 <--- 好脆牛油多士
 <--- 大過你塊面厚身火腿奄烈

 <--- 好味叉燒湯意

嘉樂冰廳
地址: 荃灣新村街
特餐逄星期六日假日暫停

舊曆大哂

首先多謝龍少要我提先係第1個同我講生日快樂嘅人

多謝第2個圓圓baby嘅祝福~~

仲有仲有, 要多謝Parco!

雖然只係舊曆, 雖然冇咩人會理我

但係我都照樣慶祝~

照樣搵蛋糕切!!!!

<- 台灣義美蜂蜜蛋糕<- 冇防腐劑架~
 
蛋糕真係好香好軟, 生日快樂!!!
今日唔會有特別慶祝, 但係我都會照樣迫龍少同我出街食
呵呵呵~~~

P.S. 黎緊10月真係超忙, 忙測驗測驗再測驗!

要到10月尾先測ed! 就連生日都差D冇得慶祝~

11月又輪到要同龍少慶祝

各路英雄, 若果想約10月之星慶祝, 請有定心理準備喇~~~ 

唱好圓圓

一直都擔心今日出唔到去玩

因為連續幾晚都胃痛, 一晚要食6粒胃藥先瞓到~

幸好我嘅吉祥物~大少奶陳圓圓好運纏身

連帶我嘅胃痛都係返到屋企先發作

今日一於pre祝舊曆生日先~

我地一早就去咗上壽司食"早雀晏"

味道都算ok啦

 <--- 美麗華廣場
 <--- 芒果鵝肝壽司
 <--- 天婦羅南瓜
 <--- 照燒雞翼
 <--- sushi set

食飽飽再去行一陣街街

陳圓圓即場表演佢對鞋嘅瘋狂, 即使3寸高跟都照睇照試... 一個字~ 勁!

陳圓圓仲話下次要傳受買boot秘技俾我

正當佢睇都唔捨得走之際, 就俾我捉咗佢去Neway唱K

 

原來... 陳圓圓把聲好靚, 而且仲有李X勤嘅震喉技術

聽到我... 耳油都出哂啦!

唱K途中, 陳圓圓話咗個貼身秘密俾我知(!!!) 呵呵呵~

唔知點解陳圓圓會飲Pussy Foot?!

而我就飲唱K例牌唔會屎人嘅Fruit Punch

再叫多2碟送K小食~

咁就唱咗幾個鐘!

至於陳圓圓送嘅有HEART手信, 唔會post上黎囉~

因為係.... 秘密!

TO: 陳圓圓

今日係星期日之後又一開心日子

好開心見到你causal得黎不失高貴氣質

因為係我嘅字典: causal = best friend

亦都好開心我同你有相同唱歌品味!

放心, 你嘅小禮物我超鐘意

多謝哂你咁有心

記得千祈千祈千祈一定一定一定要等埋我先好去買鞋!!!!

TO: 大少爺

多謝你份禮物

收得你份咁高貴嘅禮物

我一定會做番worth嘅嘢俾你, 就好似prada事件咁

哇哈哈哈~~~~

開心．超開心

自從家家姐係花旗返黎

每個星期六日唔係返阿媽到聚腳

就係一家人出街食

龍少同我都好耐未拍過拖行街街喇~~

尋日適逄好日

於是我就等龍少玩完太極, 我地就去拍吓拖~~

其實都冇咩特別事發生過

但係就好開心好開心

好開心咁去返華香園度食豬扒麵, 新嘢同凍奶茶

好開心咁去Gucci換番個拉鏈扣, 龍少仲爭住俾錢

好開心咁去天地睇旅遊書, 仲買咗一本85折嘅xxx旅遊攻略

(龍少一向唔俾我買旅遊書, 因為佢覺得去之前先買先至係最efficiency~~
  咁今次買咗, 即係.....)

好開心咁去睇CD, 仲買咗龍少同我都超鐘意嘅交響情人夢CD

本來好想+$30要埋野田妹個鋼琴袋, 但係... 好膠好核突~

 <--- 隻CD都好抵聽, 啱哂龍少

好開心咁去Star Bucks飲咗杯特大Mango Passion Fruit

好凍好凍但好味~

好開心咁去奇華攞月餅, 仲買咗個連龍少同肥媽媽都超讚嘅豆沙月!

好開心咁返肥媽媽食飯

之後好開心咁行去搭車返屋企

再好開心咁睇野田妹同千秋學長....

真係覺得自己有d似野田妹, 因為好鐘意痴實龍少, 佢去邊就痴去邊....

P.S. 多謝龍少今日全程扮鬼扮馬, 又成日引我笑

即使講多幾次都唔怕悶

真係好開心好開心好開心好開心好開心~~~

交響情人夢

無線翡翠台逄星期日晚10:30

茶餐廳八大不要~

龍少不嬲都係茶餐廳捧場客

係我未同佢一齊以前, 係絕對唔會去

因為成日覺得茶餐廳充斥住"馬蘭奴"

話哂當時都算係青春少艾, 範得果d"馬蘭奴"好得人驚好恐怖

但係龍少成日都話茶餐廳先有好嘢

所以自從跟咗佢之後, 都開始去茶餐廳

不過只限跟龍少衫尾先去!!!

前幾日收到朋友關於茶餐廳嘅喵喵

睇完真係有d驚驚

所以好想同大家分響一吓

希望大家唔好中招啦

茶餐廳八大不要~

(1) 不要要求冰水
因為那只是自來水加冰，喝下去請自問勇氣。

好彩我唔多飲凍飲

(2) 不要要求凍檸水走甜
因為那是自來水加冰再加檸檬，喝下去請自問你的胃。

哎呀, 之前成日都係走甜架~~ 不過依定轉飲凍華田走甜!

(3) 不要喝變苦的凍檸茶
很多人以為檸檬茶變苦是因為檸檬浸了太久，你錯了！好的檸檬不會變苦，
當你發現檸檬茶苦了只有一個原因，檸檬變壞了。(資料︰香港茶餐廳的檸檬多數為非洲的檸檬，
大家都知道最好的檸檬是新奇士，很多時非洲的檸檬一切開已經看見變壞了，品質很差。)

其實我唔太好檸茶, 因為次次都苦! 不過係龍少至愛

(4) 不要在晚上點咖啡，尤其熱咖啡
因為那些咖啡都是早上或是下午泡的，懂得喝咖啡的人也知道咖啡一久了就會變黑，味道苦，
而且也不潔。

咖啡我唔好~ 咁奶茶呢?

(5) 不要繁忙時間喝熱檸茶
港式的茶餐廳一般都會送上熱茶給你，其實那些茶正是檸檬茶裡的紅茶，有些無良的水吧，
在繁忙時會把侍應收回來的茶倒在你點的熱檸茶裡，這樣……你就是喝別人的口水。

熱飲一定唔會飲檸茶, 我嘅例牌係華田!

(6) 不要喝餐廳送來的水和茶
因為那些杯絕對不潔，前一位客人喝過，侍應的手指插入過杯裡，水吧隨意洗洗，要喝真的要問你的勇氣。

大獲, 有時仲覺得d茶好飲~~

(7) 不要問侍應取剪刀
有些客人會嫌面很長，會取剪刀，可是我可以告訴你那把只是十年都沒有洗過一次的剪刀，我誇張了，
應該是由開張那天到此刻。

肥媽媽都講過, 寧願啜麵啜屎都唔剪!

(8) 食物的配菜最好不要吃
因為是翻用，哈哈……除了茶餐廳是這樣，美x，大x樂都是這樣我有一個朋友在大x樂的廚房工作，
他話牛扒D配菜唔夠真系隨手系洗碗阿姐那裡取幾條，還有之前大x樂咪有冬瓜盅，D冬瓜盅是翻用，
用到唔可以再用才唔用。還有菠羅炒飯那個放炒飯的菠蘿都是咁翻用！

唉... 龍少都問我點解成日食配菜都唔食主菜.....

你地呢? 有冇好似我咁大獲???!!!

7年之癢

我同V小姐都就快識咗7年

與V小姐嘅相識, 的確係一個緣份

我同佢本來係同一間公司

不過佢係head office返工, 我果邊就under另一個brand name

即使係同一層返工, 門口都唔一樣

所以話我地基本上係冇咩可能會見面

甚至認識

但係, 就係因為我個亞姐日日都只係叫我過head office果邊影印影印再影印 

久而久知連果邊d人都熟埋

就係咁, 我地就識咗喇~

仲成日匿係佢張枱則邊傾計!!

最Q就係我地大家都係住同一區, 同一星座

大學又係同一間, 鐘意去旅行又一齊學緊琴同日文!!!

所以我同V小姐就係短時間之內friend起上黎

不過我同佢最唔同嘅就係V小姐人又斯文樣又靚 

仲係高材生!

依家仲係某公司身居要職嘅高層~~

仲有個同樣高高層未婚夫

果然係同人唔同命!!

數數手指, 我同V小姐真係成年冇見

因為佢依D高層好忙, 鈔鈔鐘幾廿萬上落

我依D閒人又冇嘢搵嘢黎忙... 讀書 

所以真係好難夾時間

不過當一聽到V小姐要同佢高高層未婚夫出年拉埋

就一定要出黎恭喜吓佢啦~ 

由於我地都係住同一區

於是V小姐簡咗佢其一個飯堂"Dining Room"

其實好想叫龍少去試好耐

可惜佢都係果句 "西餐細細碟唔飽架"!!!!

依度個環境都唔錯, 幾浪漫

夜晚9點鐘仲有人live show

不過只係攞住個結他唔知做乜!

 <--- 氣氛唔差
 <--- 個湯麻麻, 不過舊蒜蓉包好好食, 但係... 點解咁細件?

 <--- V小姐嘅忌廉海鮮墨魚汁麵. 賣相差小海鮮但好好味

 <--- 我嘅麵包焗芝士雞肉飯. 麵包係似排包咁好軟熟好好味, 個汁好味, 不過個飯太"削"!

 <--- +$18跟餐湯同餐茶

原來結婚係一樣好奇妙嘅事

佢可以令好多人連埋一齊

就好似為咗搞我個婚禮

提子媽咪山長水遠返黎同我一齊忙

個個禮拜都由深水埗行去太子買料

我地關係好咗, 依家仲到咗難捨難離嘅階段 

到依家又可以同V小姐提供好多意見俾佢

雖然唔知佢用唔用得著~

但係最開心就係方便到佢

V小姐, 你唔好怕煩到我! 其實我都不知幾咁鐘意俾意見你 

你有問題即管打俾我啦~~ 我一早當你係我best friend黎架喇!!!

仲有仲有, 恭喜哂!!!