一向都唔太鐘意食茶餐廳乜餐物餐
通常佢地嘅奄烈都係薄如白紙
另外又加送1大匙油做saucing
細個第一次食唔驚屎, 諗住隔起d油就照食
點知半個鐘頭後奄烈急call要出大海游水......
依家睇見都怕怕
佢帶我去間冰廳到食下午茶
仲話叫個特餐兩份, 本來我打屎都話唔食
費時一陣又要去搵地方釋放
但係肥媽媽話d嘢食黎到先講啦~
嘩, 首先杯餐飲好大杯, 真係2個人先飲得哂
份多士焗得乾身脆口
之後... 戲肉黎喇~
講真, 我真係未見過咁大份奄烈, 仲要係跟餐!!!
闊度大成日塊面咁大, 高度約有2.5cm
肥媽媽同我估計個奄烈應該有4-5隻蛋
真係1個人都食唔哂
而且仲有個肉絲湯意粉跟尾~
如果自己一個都食得哂依個餐, 咁即係你真係餓得好交關....
份量大都只係$23, 轉凍飲轉多士都係各加$1
除咗特餐抵食之外
佢地嘅三文治都同樣驚嚇
單一份蛋治有成寸咁高, 沙爹牛治都係一樣
就連龍少咁咀雕都話好味又抵食
不過唯一唔好就係好多人
成日都要係街等位, 等到你唔好開心住
因為佢d枱好細張, 2個人要同其他人搭4人枱
真係想伸個懶腰都會打親人!
<... 其他小食都好好味
<--- 我嘅至愛, 超大杯特濃華田
<--- 好脆牛油多士
<--- 大過你塊面厚身火腿奄烈
<--- 好味叉燒湯意地址: 荃灣新村街
特餐逄星期六日假日暫停
沒有留言:
張貼留言