賞面

龍少同我搬黎現居都接近4年

雖然同陳生肥媽媽都叫做住埋樣一區

但係由我屋企出發返娘家都要轉1次車

or搭1程巴士再行20分鐘

就係咁, 懶惰嘅陳生就成日都唔多願入黎我地度

即使佢超鐘意同拖肥玩, 佢都寧願係屋企午睡

仲叫我地帶拖肥去探佢!!!!

嘩, 我家拖肥話細唔細話大唔大

最衰就係次次出街玩完都係個袋度賴尿!!!!!!

上幾個星期, 終於都叫得郁兩老入黎食飯坐吓再同拖肥玩

其實主要目的都係因為肥媽媽為食所至

佢一聽到我話樓下開咗新嘅泰菜

就話一定要入黎試菜, 講到真係以為佢開咁~

依間嘢都幾旺場

我地6點多落到去都要等45分鐘先有位

價錢都算平, 但係食物就一般

 <-- 全間餐廳都用木筷子, 好唔環保 

<-- 泰式春卷. 見到人地食好靚, 但係味道一般, 個sauce好似偷咗陳記d酸甜醬咁!

 <-- 蒜蓉包. 唔夠香, 仲有d淋!!! <-- 泰式炒雜菜. 好普通又細碟 <-- 海南雞個sauce. 都幾好
 <-- 海南雞. 好似淡口咗d <-- 明爐烏頭. 魚肉冇味又鞋, 不過個湯超好味!
 <-- 香葉肉碎炒飯. 都算幾好, 因為冇咩油, 唯一唔好係唔夠香葉, 太香港口味!

雖然龍少話同小曼谷都仲差好大段距離

不過比起平時落親街食飯都係食茶餐廳小菜嘅我地

都算多咗個選擇嘅~~

不過... 唔知做唔做得長呢!

TO: 陳圓圓美人

你聽日就要去攻打蘿蔔頭

請將你嘅所有行軍裝備同作戰攻略跟身

遇到敵軍反抗就要殺殺殺!

仲有, 捉多幾個戰俘返黎做亞四

同埋要大肆搜掠

我等你..... D戰利品呀~~

順風!