屎光槍出擊

星期六可惡嘅statistic又quiz喇~

本來今日放假, 好應該收拾好心情乖乖地溫書

但係... 就係二粒極度兇猛嘅"痱滋"

搞到我成日都冇哂心機

食又食唔到, 溫書又冇心機, 瞓教又口乾, 飲水又痛到死~~

lunch都只係飲咗包古力奶咋

唔知係唔係會傳染架呢? 前排MAmiMamA嘅meimie又係生痱滋呀 (我別號姓賴!)

哼, 我唔會咁易屈服架

等陣等我儲足精神, 再用支屎光搶去解決佢地先!!

喇喇喇喇喇沙沙沙沙沙

龍少以前份工經常性都要出trip

重要一去就成個幾兩個月先番~~~~

可憐我成日要獨守"胸圍"!!!!

就係因為咁, 龍少愛上新加坡, 泰國等地方嘅食物

係新加坡, 除咗海南雞飯之外都冇咩飯俾個飯桶食

於是轉戰食粉麵

記得有次我地係檳城食過一個laksa好酸好清好好食

但係原來新加坡果d係唔同架~ 不過我地都超鐘意

龍少最鐘意有"司堪" (? 唔識寫), 而我就鐘意豆卜同個湯

龍少話其實個湯係加咗椰汁!!!!!!!

椰汁???? 點解我食唔出, 食唔出就算啦~

========================================================

唔好似為咪咪吉咁勁識煮laksa? 其實咪又係出貓.....

之前響印尼鋪買咗包laksa湯包, 想煮好耐喇

但係成日都買唔齊料

不過尋日好熱而且想俾個surprise龍少

好, 就試吓啦~~

材料有大豆芽, 草菇, 青豆, 菜心, 可惜超市冇豆卜兼唔記得買青檸!!!

不過專登買咗鯪魚肉同免治豬肉撈青豆, 黎煎泰式魚餅同豬肉餅

...... 俾個肉肉人!

個湯底本來要加椰汁一大罐, 但係我明知嘅又點會加呢?

所以.... 呵呵呵.... 加鮮奶一樣掂!!

上碟果陣我用咗個公雞碗, 好有風味呀~~

↓泰式魚餅+豬肉餅                                             ↓好大粒草菇

 

↓粗壯大豆芽                                                       ↓新鮮青豆

↓可愛公雞碗                                                     ↓全碗個做型

↓黎多張close-up

隻公雞碗特別經大少奶批准可以上blog架~~

↓哈哈, 就係依包湯料, 10蚊好抵呀!!

臭旦? 笨旦? 96好開始

之前去新加坡, 成日都見班蘭蛋糕

其實都好想買黎試吓

但係... 聞落好似有陣椰油味咁

所以一直都未試過

到上次想整印尼千層糕俾肥媽媽果陣, 買咗支斑蘭香油

但係用過一次之後就未用過, 好徙喎

所以今次提子太太返黎, 一於整番個斑蘭戚風蛋糕

襯番依2個笨旦嘛, 哇哈哈....

到整果陣, 準備打蛋啦

一開第一隻蛋, 嘩~~~ 好臭呀

原來係臭蛋!!!!!!  原來臭蛋真係臭到好似放屁咁臭

搞到成個廚房都係果陣臭屁味

於是嗱嗱聲成袋垃圾掉咗去, 但係~~~ 果陣味仲纏繞住我呀~

搞到我成日都"形"住個蛋糕都係臭嘅

好彩... 果2個笨蛋一d都食唔出, 仲話好好食咋... 鬆一口氣~~~

仲冇肚痛呀~

今次整咗一大一細, 好似2隻眼咁

不過略嫌綠色唔夠史力加囉~

 
 

==============================================================

開咗blog咁耐

一直都冇特別留意有幾多人會訂閱依個古怪blog

但係今日無無聊聊check吓

嘩, 96個!! 96就係龍少同我一齊嘅年份呀~

見到依個數字, 真係有d特別回憶

多謝, 多謝大家~

藍天與白雲

依排個天真係好呢

搞到咪咪吉日日都感動非常, 仲喊哂出黎 

不過d"眼淚在身上流 "....

查實到咗依家都唔知屋企個區算唔算係郊區?

而依排一落街就見到藍藍的天~白白的雲

日日出街都有小時候陳生車我地去沙灘去旅行嘅感覺

一齊欣賞吓啦~

"滿載你心砍, O E E E E O, 那是藍天與白雲" 

咪咪的十年

聽到大少奶話要寫十年

令我依幾日都好認真咁諗過依十年究竟發生過d咩事

其實由一個二字到三字嘅階段, 真係有好大感慨

十年~ 話長唔長話短唔短, 大家一齊分響一吓 = 咪咪的十年

關於自己:

唔相信可以長久 -> 相愛11年

打屎唔同居 -> 同居+結婚~ (願可思守一生)

以為可以創一番事業 -> 放棄正職, 只做副業

夢想可以繼續讀書 -> 仲可以讀part-time degree

戒牛肉 -> 食牛肉 -> 上癮食牛肉

肥 -> 瘦 -> 再肥

短髮 -> 長髮 -> 卷 -> 直

由10:30pm必瞓 -> 不到3am不瞓

黑眼圈 -> 愈描愈黑

唔痴家 -> 鐘意痴家, 但仍渴望拍拖行街

同提子太太水溝油 -> 神奇2女俠

成日扮細 -> 依然扮細 (仲係18)

經常同肥媽開片 -> 冇佢咁好氣!

成日唱K去玩 -> 小咗出街

想lady D -> 仍然想lady D

夏天唔敢著背心 -> 著唔到背心

拒絕芫茜椰汁韮菜 -> 嘗試接觸, 但仍然唔食!

關於龍少:

一個很大嘅傷口~ (痊癒ing)

小開片, 多包容

開始將龍少缺點變優點 (嘗試ing)

關於遊樂:

沉迷寫blog + check e貓 (被投訴ing)

沉迷錄電視

迷上cello

愛上聽nat king cole等old jazz

鐘意儲rement, 但放棄儲可樂罐 

開始想學化妝

依然鐘意the simspon + pingu + 小丸子 + mickey mouse

仍然勁憎hello kitty

由唔覺得醜樣到勁愛blythe到有6個齊齊玩

關於屋企:

唔識掃地 -> 仍然唔識掃地~ (冇方向感!)

一星期吸二次塵 -> 二/三星期吸一次

唔俾養寵物 -> 龍貓 -> 汪汪~ (仍然只想養貓)

唔識量米水-> 仍然唔識量米水

唔想煮中菜 -> 嘗試學煮中菜 

只識用蛋糕粉 -> 學識焗戚風蛋糕~ (好犀利) 

煮定飯等人返 -> 坐梳化等食

好怕蛇蟲鼠蟻+所有識飛嘅昆蟲 -> 依然好怕蛇蟲鼠蟻+所有識飛嘅昆蟲~  (包括蝴蝶蜜蜂蜻蜓)

勁鐘意冬天 -> 唔凍又冇feel

旅行不斷shopping -> 想睇名勝+歎吓多D

P.S.

人地話十年人事幾番新, 但係又有幾多人會記得十年發生過咩事?

雖然有開心有傷心

但係就學識接納他人, 尊重他人, 嘗試去迎合他人

或者就係因為跌過所以要學識自己爬起身, 再去撫平傷口

明白到 人唔珍惜自己, 別人亦唔會珍惜你

所以, 我要珍惜身邊所有人

希望大家共勉之~  

大茶飯@契媽屋企

今日天氣真係好熱~~

但係要返學, 點都要出門口架

不過今晚有嘢玩~ 玩咩?

咪去玩人地個BB, 我3個契姨甥囉

                                                                                

放咗學之後就去咗taste買手信

買咩好呢? 就買盒Galeto啦

da dolce之前都係諾士佛臺食過, 真係好好味

今次買榛子古力, 好香榛子味~

不過依個係家庭裝.... 會唔會唔同咗架

就好似royal garden嘅tiramisu要堂食先好食

一外賣就唔同哂喇!

但係好彩, 都好出神入化~~

0.5L要$69, 都算OK啦!!

去到契媽屋企, 最緊要就係果餐飯

因為契媽煮飯真係好好好好好好味

龍少食完都讚不絕口, 每次我話去探契媽

佢都一定跟到實!

今晚真係好豐富又好食

雞汁燴鮑魚仔~ 好香雞汁好入味

咸檸蒸烏頭~ 好滑

蒸咸雞~ 唔駛薑蓉都好味

金華火腿蒸豆腐~ 十足十上海鋪果D

酥炸排骨~ 契媽手本菜

 
 

其實仲有: 忌廉煮莧菜, 蒜蓉菜心, 炒大豆芽, 粟米豬肉餅, 鮑魚雞湯, 豬腳薑!

甜品: 車里子, 山竹, 火龍果, "蘿柚", 龍少專享芝麻糊

嘩, 真係食到攬住個肚

龍少就開心屎啦, 不停裝飯裝飯裝飯

不過... 咁多餸係因為有9個人食飯啫!

之後同張大姐同張大哥2個大B玩, 點知佢地唔多騷我

掛住玩佢地嘅人肉波波池

所以我就轉戰一個唔曉反抗嘅BB玩

依個小B女仲爭3日先滿月呀

哈哈, 佢好好笑架

契媽不斷搞佢, 搞黎搞去佢都唔醒

仲係咁瞓Zzzzzz

張二妹, 願你快高長大, 孝順父母~