可惡大姨媽

 

(按: 之前一直用"大姨媽"去形容每月女性情緒低落周身冇忽舒服兼風癲發脾氣症侯群,

返學嘅時候就叫period, 但係係大少奶教曉我依家重症原來叫PMS... 哦~~~)

繼前日同提子太太癲完一輪之後

尋日又要正正常常咁教琴+返學

都有小小唔慣

一來果日癲得未夠喉, 二來好似好耐都未癲過, 再加上PMS....

冇得癲好多時係因為冇對手

係屋企對住龍少癲, 佢剩係識笑住話我痴孖筋

返娘家癲, 陳生會成點解生咗個癲妹 (次次都咁問就真係悶)

不過我覺得PMS先係一個致命嘅原因

等我地一齊黎拆解依一個......謎!

PMS期間, 我一定會頭暈頭痛+腰痛

今次對眼仲要腫到好似喊完咁~

成個人周身骨痛, 做咩都冇mood冇心機又容易發脾氣

就連胃口都冇埋, 返學途中都只係飲咗包奶咋 (哈哈, 可以減肥)

尋晚科statistic又難到死, 個個都唔知個lecturer講咩

搞到一路一堂一路"R"頭, 到落堂果陣已經"R"咗個雀巢出黎

仲有個雀仔頭走咗出黎 (大少奶, 係你架喇)

龍少話最衰我身體太孱唔受得白鳳丸, 如果唔係PMS就冇咁辛苦喎 (佢又識?)

到今日, 隻眼依然浮腫頭依然暈

但係今晚都好想煮餐咖哩俾龍少.... 哈哈哈

其實係自己冇胃口所以想辣吓D味蕾啫

唔知等陣有冇mood去惠康呢?

                                                                                    

白鳳丸的好處:

近年來北京同仁堂運用現代醫學高科技手段對北京白鳳丸進行了深入的葯理、葯效學研究，研究結果表明:

1) 北京白鳳丸具有明確的補血、補腎、抗疲勞及耐高、低溫，耐缺氧作用，逆轉白球比例倒置。這一研究結果使北京白鳳丸在臨床上成為 “老葯新用” 的典範。

2) 同時，北京白鳳丸具有補脾益腎、滋腎健脾、調節內分泌、養顏護膚的作用。北京白鳳丸對於各種虛勞病症有顯著的特效，使古老的北京白鳳丸煥發了勃勃生機。
　　
3 )另外,香港中文大學上皮細胞生物學研究中心一項研究初步證實，以調理婦女生理周期的傳統中藥白鳳丸，同時具有鎮痛作用