返來囉返來囉~ (附加新娘帽)

返來喇, 返來喇

提子太太終於都係遙遠嘅鬼地方花旗返到我地嘅懷抱喇!!

真係好開心~ 不過...

唔知佢地今次留幾耐呢?

我當然希望愈耐愈好啦! 因為我真係好好好掛字佢

其實細個果陣我地倆個嘅關係唔係特別好

心事都唔會傾, 仲成日鬧交

但係... 自從前3年前開始搞結婚嘅嘢

提子太太專登飛番黎同我籌備一切

個個禮拜都陪我去金都睇飾物, 睇完我地又去深水埗買料自己整

仲有佢不斷幫我試妝, 又搵咗個好叻嘅化妝師colour幫我set頭

跟手又幫我整教堂個backdrop

我地又一齊返大陸買膠花做裝飾.... 真係好好玩好開心

提子太太仲專登返花旗tailor made咗2個好elegant嘅裝飾帽

真係好好好靚, 仲好match我套婚紗同晚裝

到果晚真係個個都讚~~

 

不過最遺憾嘅一件事係: 響結婚當日, 我竟然唔記得咗多謝你

多謝你為咗我個婚禮勞心勞力

多謝你專登由花旗飛返黎幫我手

所以, 我決定... 向所有人講:

"家姐, I LOVE YOU"

                                                                                                  

所以, 響你返黎前要幫你執屋

"撈婆bom"啦~~

結果, 同肥媽媽勞動完之後

就去咗"一葉家"食番久違咗嘅台灣小吃

依家佢地有抵食10蚊小食呀, 真係好抵

原來個人累食咩都咁好, 今餐真係very good喇~~~

 
 

酥炸蘿蔔榚 ~ 椒鹽豆腐

 

宋家雲吞 ~ 什菌雞柳炒烏冬