炎夏中的凍糕~

依排個天氣真係熱熱熱到人都蒸溶~

連鼻敏感都多咗, 朝朝都要包成打雲吞先罷休

跟住又要勁搽防曬喎, 好似愈熱愈忙咁!

搞到日日都唔想出街, 但係又要出去教琴同返學~~

到咗星期六, 真係好唔容易先提起勁返娘家食飯, 但係都只限於夜晚先出動!!

所以, 都係整番d凍食俾一樣怕熱嘅肥媽媽

於是桂花椰汁糕又再出場喇~

不過今次椰汁糕加咗大粒紅豆, 好香好甜(佢地話)

仲有新整咗隻咖啡糕, 因為肥媽媽好鐘意北京樓嘅咖啡凍糕

今次就整幾粒俾佢試吓味先

下次先再整番一層層嘅咖啡凍糕!!!

雖然我唔受得咖啡, 不過依隻凍糕竟然完全接受到喎

哈哈, 就連唔食椰汁嘅陳生都每樣掃幾件呀

真奇怪~~~

<有d似月餅嘅桂花糕, 紅豆椰汁糕>

<香濃咖啡糕>