姐夫做大廚

話說晏晝同提子太太2公婆食lunch嘅時候

佢地又俾人放飛機

咁我就多口問一句, 咁你地去邊?

提子太太一句: 入黎踢館兼踩場!!!!!

咁就大件事囉~ 屋企嘅凌亂指數, 一定嚇親佢地倆個

但係概然佢地盛事權權, 是但啦, 一於嚇屎罷就!

我同提子太太行咗一陣街, 再會合番姐夫先生

買埋餸就一齊直剷狗竇~

由於姐夫先生嫌我個狗竇實在太多狗毛

所以就話幫我掃地+吸塵!

但係.... 點解只係吸佢嘅直徑一米範圍????

有d擵不著頭腦...

於是我咪再吸過囉~ 不過真係有d怕吸塵!

一來個osim吸塵機好鬼重

二來唔知係咪肥得滯~ 次次吸親都好似俾水淋身一樣, 即使開住冷氣

好在, 是晚姐夫先生入廚大顯身手

3餸1湯, 白飯任裝: 白灼西蘭花, 瀂水雞翼, 煎豬扒, 生菜豆腐鯪魚球湯(我煲架)

其實都唔錯架, 不過....

我個廚房好似打完仗咁, 洗到我呢

點解冇影相? 因為姐夫先生經常好奇怪點解要影相....

就係唔想佢多問, 唔影囉!!

不過, 都好多謝你為我地大顯身手

但係... 我依然覺得龍少煮得好味好多, 哇哈哈哈

依家? facial-ing...