滿面油光BB蕉

星期日一班茂利入黎我地屋企BB蕉

之前仲驚會落大雨

但係都唔知好彩定唔好彩

果日好好天, 不過就熱到嘔電~~

早幾日大家寫咗張食物list, 但係龍少唔鐘意買醃好嘅生肉返黎燒

話因為果d唔多新鮮同埋唔好味

所以我地之前就去買定哂所有材料返黎自己醃

龍少醃咗薑汁紹興雞扒, 蒜蓉豬扒, 玫瑰雞翼, 鹽燒火雞肫+牛脷, 牛油金菇+青口

仲有普通嘅丸丸腸腸粟米蕃薯咁啦~

嘩, 真係不得了~~

果日茂利們五點鐘入到黎, 跟手一齊去買嘢

之後六點我地就落去起爐喇!

不過... 唔知係唔係依家d人去BBQ多數有人起埋爐

所以~ 今次要自已起爐, 就真係考起龍少喇!

不過, 好彩平時龍少訓練有數先頂得住

雖然我地叫做係海邊度燒, 景色都一流

仲成日有海風吹埋黎

但係... 都熱到我地塊面油淋淋~

仲有d溶化嘅感覺...

但係都燒得好開心好正

K先生同E先生仲表演"2男吞橋", 哇哈哈

不過最衰就係club house限住9點鐘收爐, 搞到我地成班都燒唔夠喉...

冇計啦, 於是嗱嗱聲執好哂d嘢, 返上樓歎冷氣

之後, 我地再一班殺去發記再食糖水~

嘩... 真係透心涼得緊要!!!

 

個VIEW都唔差架~ 仲有飛機陪

    

"2男吞橋"~~  

 
 

   

芒果沙冰~ 意大利涼粉, 仲有好最鐘意嘅芒果黑珍珠