嘩.....豬扒

尋日父親節, 提子太太約了陳氏一家去大少奶介紹JW Marriott嘅tea buffet

但係.... 個tea要成3點半先開始

龍少又一早就係老尖耍完太極

所以決定同定去食個small lunch頂住個大bobo先啦

以前成日都聽過人話海防道臨時熟食街市果檔牛丸好正

次次同龍少行過, 佢就企係熟食街市門口望吓就話執哂

不過有次唔知睇咩雜誌介紹熟食街市裡面有檔茶餐廳好正

今次龍少就"的"起心肝帶我入去搵食喇

從外面睇一D熟食都冇, 但係一入到去原來裡面真係柳暗花明架

我地就簡咗華香園, 因為依個名好似好熟咁!

一坐低個亞叔就叫我地一定要食豬扒麵 "好出名架"

之後再叫咗個新嘢+凍奶茶

雖然環境熱咗小小, 但係真係好好味喎~~~

新嘢真係好好好好味, 成塊多士熱辣辣

件牛油係塊多士上面滑黎滑去, 好似'sir'滑梯咁

不過一定要即食, 如果唔係凍哂就no good喇

↓麵包邊皮+果占+花生醬+鮮油=新嘢, 最啱我鐘意食麵包邊皮嘅人

↓一碗豬扒麵有成2塊豬扒, 仲好入味, 正!

↓依個應該真係"公仔麵"嘅公仔麵, 都ok

↓凍奶茶~ 都好滑, 但係唔夠油麻地某間茶餐廳d出味

↓環境都唔太污糟, 不過有d熱!

有關JW嘅tea buffet, 遲d再報導