到我出手喇~

 真係好耐冇煮過飯                       

因為龍少一直都認為我煮嘢唔好食

又經常整親要佢呵要佢執手尾

所以.... 通常我都係等食果個

不過今個sem只有得2科可以讀, 而且同龍少返詠春嘅時間完全相反....

哼, 今餐都係等我出手!

細佬, 睇嘢喇~~~

首先滾咗煲冬瓜粒湯, 依個係成個晚餐中最成功嘅一個

肥媽媽以前成日煲俾我地飲

真係好好好好好好好飲架, 有一次我試吓煲

龍少竟然讚我話有肥媽媽7成功力, 哇哈哈...

於是就收為我嘅手本名菜喇!

好, 到第2味就係咖哩雞

依個就"lai"嘢啦~~

原來洋蔥怕熱所以飛哂出獲, 薯仔同個獲又愛鬼咁痴纏, 難捨難離~

仲有明明係煎雞但係佢地竟然賴尿.....

不過... 好彩個味調得唔錯

上次果陣真係大劑, 因為貪心落咗好多咖哩粉!

今次醒喇, 只落一匙都已經幾辣

再加多一大匙花生醬落去, OH... 超香~

之後, 就到咗洗米時間喇~

都唔知做咩鬼, 一邊"but"d米出黎一邊漏 (講笑咋龍少)

之後洗米仲衰

一倒水連米都倒埋出黎 (搞氣氛咋龍少)

我諗.....

我都係命犯天剎煮星

注定與廚無緣 (龍少, 依句先係真!!!)

P.S. 龍少, 快D返啦, 等你開飯呀~~~   

22:14~~ 龍少仲未返, 但係我已偷哂d薯仔食喇, 哇哈哈