6Y+8M=廸廸遊

聖誕節前的星期日, 是我們結婚6週年紀念

由於今年吃得太多, 又想帶Audrey BB去玩玩

所以決定和往年一樣, 到廸廸尼輕鬆一吓!

由於Audrey BB依家已經開始食粥仔

當天一早便要起身煲粥, 眼瞓到飛起!

執好所有行裝就大包細包地出發!!! YEAH~~

本身想12時多入園的我, 弄至2時多才到埗

所以一開始便要開始霸位看parade

我們便無所事事的周圍影

但係怕悶的Audrey BB就不停擔天望地, 仲不斷打呵欠!!!

好好好.... parade終於開始

Audrey BB睇到目定口呆

卡通人物在她面前不斷走過、打招呼

她都不太大反應, 好像很冷靜似的

這個反應對BB來說, 實在有點誇張

看完parade, 便是吃奶時間

廸廸尼的嬰兒間還算不錯, 可惜只有一間(在小鎮大街上)

如果在裡面的地方突然要換片片, 一是到洗手間的換片板

但我平常都極不喜歡用(曾見過有小朋友在上面大便!!!!!!!!)

所以唯有每次都返回小鎮大街的嬰兒間

很花時間呢~

其實一開始我們都不知那裡的遊戲是否適合BB

但去到才知有很多都歡迎BB

Audrey BB一共玩了:

巴斯光年、小小世界、3D米奇幻想曲、小熊維尼

還有和米奇、高飛合照!!!

Audrey BB對巴斯光年非常感興趣, 仲不斷想拿那激光槍

3D米奇幻想曲都還可以, 看至中段也不斷舞動小手

但..... 到玩小小世界和小熊維尼時

顯得一副悶悶不樂的樣子

是累了? 還是真的很悶?????? 其實龍少和我都不是太想玩這2個遊戲

但心想這些都應該適合BB吧, 點知..... 哈哈!

最後, 我們還看了煙花才離開

Audrey BB竟然完全對煙花和煙花聲不感興趣

只自顧自的玩長頸鹿玩具!!!! 激死!

當離開大閘時, Audrey BB已經倒頭大大大大大睡

今次之行大家都很開心(應該吧!)

但係亦都清楚明白Audrey BB是一個不甘寂寞的小BB呢~

後記:

其實好多人都會問, 帶咁細bb依度去果度去, 佢都唔記得架啦~

龍少同我從頭到尾都冇希望過Audrey BB會記得自己去過邊

只係想佢將來大個嘅時候, 知道daddy mammy從來都冇留低佢

每一個活動佢都有份參與, 希望佢知道daddy mammy有幾唔捨得、

有幾愛佢!!!!

一家三口沖繩遊

10月Audrey BB滿6個月, 我地就出發去沖繩旅行

其實依個plan都猶豫咗好耐, 去唔去好呢?

去的話, 幾時去好?

終於決定等Audrey BB打埋6個月支針就出發~

選擇沖繩因為天氣唔會太凍太熱

加上又係日本, 感覺上乾淨D

假若欠缺尿片等等都可以隨時買到

而且我地選擇自駕遊, 去邊都可以方便D

唔駛擔心迫親Audrey BB

至於餵奶方面, 完全唔駛擔心

因為Audrey BB一肚餓我地隨時可以係車餵

去到邊食到邊, 仲唔駛帶其他野, 正!

DAY 1

出發當日Audrey BB好乖好乖, 上到機完全冇扭計

升降都冇問題, 佢仲第一次食baby food, 勁鐘意呢

Marriott有ready到BB床俾我地, 不過Audrey BB好似怕陌生瞓唔到

最後要出動哂所有有Audrey BB味道嘅衫仔口水肩沙巾仔被仔

圍住張床仔, 佢先瞓到

DAY 2

十分期待的沖繩美之水族館睇鯨鯊

非常的壯觀, Audrey BB睇到目定口呆!

返到酒店, 我地張2張queen size嘅單人床合而為一

Audrey BB係上面玩得勁勁勁開心~

(偷食雪糕ing)

DAY 3

今日去咗菠蘿園同熱帶果園(其實2者係隔離)

Audrey BB好似冇咩興趣, 係BB車上發呆

不過當佢一見到有雪糕, 竟然第一時間飛撲埋黎

哈, 為食妹!

DAY 4

今日轉了酒店, 搬到近小小嘅RE

但張床細了, Audrey BB明顯冇咁開心

之後去了萬象毛, 大風到不不不得了

我地竟然推埋BB車出去, 但係去到真係唔抱Audrey BB出黎

就連BB車都吹郁, 好驚! 龍少捉到架車仔實一實

真係驚BB車都飛埋去

所以我地倆個是但影兩張就拿拿聲走人食飯

DAY 5

是日打風, 冇得去觀光

但係Audrey BB竟然扭去街, 加上早餐已係酒店食, 唔太OK

冇辦法, 所以唯有開車出去睇睇有冇食有開~

順便再去family mart買杯麵!

抱住Audrey BB係狂風暴雨中狂跑, 佢竟然開心到不得了~

返到酒店無所事事, 當然去游水啦

DAY 6

臨走都要游多轉水, 勁勁勁開心的BB

但係之後已經唔夠時間去首里城行番個圈

唯有係架車上面望一望, 到此一遊吧!

回程時Audrey BB都冇咩點扭, 只係扭眼瞓

幸好daddy抱住行了一圈就瞓著了

總括黎講依個trip真係好開心

雖然第一次去旅行撞正颱風

第一次自駕遊有D緊張

第一次帶Audrey BB去旅行好驚佢唔適應

第一次係公開場合餵奶(車上)但唔怕醜

希望可以快D有第二第三仲有更多更多次啦~

8個月了~

眨一眨眼, 原來依個blog已經放低了一年有多!

其實之前一直都想開始寫番, 當做給BB的一個紀念

誰不知一等就等到8個月先開始寫

希望有心不會太遲吧~

這一年真的發生了不小事:~

係舊年年尾, 我地搬到一個大咗同方便咗嘅屋企

全間屋裝修設施都係龍少一手一腳follow, 我只係係入伙當日攞個袋盲可以去住

非常感動

Audrey BB於4月搶先一日順利剖腹出世了, 由於算是emergency case

害得龍少不能倍我入手術室倍我, 嚇得我剖腹前不斷飲泣!!!!!

由於之前部門同事對我大肚甚有微言

所以生完之後經常害怕要返工, 面對果班討厭的同事

因而令到有小小產後抑鬱(!)

幸好當時龍少同媽咪係身邊不斷支持我

龍少仲同我作出了一個重大決定.... 辭職不幹!!!!!

果然... 好快就不藥而癒了~

其實我都不算是full-time mum, 因為有繼續教琴

但至少時間可以自己調動, 仲可以多d時間睇住Audrey BB

簡單perfect!

等到Audrey BB滿6個月, 我地一家三口第一次去旅行

沖繩係一個baby welcome嘅地方, 而且我們是自駕遊

所以極之方便, 餵奶也只需係車上便可!

雖然好多人說Audrey BB太細唔會記得去過邊度

但係我地只係想有係佢成長路上有令大家回味嘅事件

俾佢知我地一直都冇掉低佢!!!

仲有一樣最大得著係, Audrey BB可以繼續做母乳寶寶

由於自己身體一向差, 所以好希望可以透過餵母乳而令Audrey BB健康

到依家已經餵咗8個月了(有小小自豪!)

希望可以繼續啦~

黎緊聖誕節係Audrey BB嘅第一個聖誕節, 亦都係佢領洗嘅大日子

可以同耶穌同一日誕生(領洗等於再被賜予新生命)是無比光榮

希望當日會順順利利, 唔好扭計!

愛玩臭腳的Audrey BB