北、京、大

好剪張好剪張

依個"支畫"延遲咗成年

終於都等到喇

出年1月, 龍少同我終於都夾到去北北北北北北、京、大喇

北京當然大啦

"北、京、大"又唔係等於"北京大學"喎

今次係去"北" - 海道 、"京" - 都、"大" - 阪

好想去北海道好耐喇, 但係又唔想跟團

加上冬天嘅機票每年年中就好快售罄

所以舊年想去都冇機位

哈哈哈, 今年?

係5月我已經book定機位, 到依家出哂價錢就可以confirm喇~~~

而且仲plan到16日假.... 除咗以前每年暑假都去兩個禮拜旅行

同honeymoon 10日trip之後

都未試過去咁............. 耐

發達喇~~~

不過依家開始要plan行程, 原來真係有d難度

因為北海道實在太太太...... 大喇

今次應該會去: 札幌小樽美瑛旭山網走知床釧路登別洞爺函館大阪京都(!)

真係好亂呀~~~

同埋依家都要開始睇定d禦寒衣物

前年我地去哈爾濱著羽絨+fleece+防寒內衣都已經好夠

其實.... 係唔係一定要買雪褸雪褲?

各位朋友, 如果係地去過同埋有咩高見, 不妨幫幫手俾d資料我地啦

thank you~

(繼續剪張ing~~~呵呵呵)

P.S. 家姐姐你唔好一邊鬧鬼一邊話俾肥媽媽知住呀~

你.... 俾我地豪埋今次啦~

記得唔好俾大人知住呀!!

新屎坑

仲以為黑格比會下晝到

點知仲準時過日本火車, 搭正放工時間六點先到..... 超~

不過, 今次個名又真係好形

似日本卡通D名咁!

依餐又係好耐好耐之前

L'hotel嘅陶源新開張

肥媽媽就拉我地一齊去試新野

個環境都幾靚架, 樓底都算高

仲有靚靚水晶燈

總好過果d cheap cheap酒樓

睇完環境, "chap磅喇"

先黎依碟, 青瓜車厘茄伴蔥

你估食咩?

估唔到? 依個一定估到啦~

薄餅一籠

係喇, 就係你喇

填鵝全屍一大條

分屍後~

特別order要厚肉, 正!

銀芽旦絲薄脆炒小蝦乾, 乾身嘅銀芽好好味

百花豆腐XXX, 豆腐好薄好滑, 勁!

姬茸炒豬頸肉, 超香~

仲有最後一個: 生啫生菜煲

咩叫生啫?

咪燒熱個煲再係你面前放生菜囉

最後仲好乾淨好味生果盤

簡單講, 陶源都真係唔錯

不過如果成日去就..... 貴咗D囉!

六月黑鬼游dAy5 ~ last day

咁快到最後一日, 真係好唔想走

起身後扮吓local"lun"吓報紙先

之後再去食多次這個simple但local的早餐

超濃的多士同泰式肉碎依然係我心水

仲有辣辣肉碎粥, 清清腸胃

食完早餐去行街, 買手信

之後?

咪又係去食雞飯囉!!!!!

食完就直接去機場行吓睇吓

哈哈, 竟然見到拖肥(!)

之後上機前再去食多碗魚旦河、買埋泰式青芒果先上機

曼谷機場真係好得

明知飛機餐難食, 所以.... 又買咗雞飯做便當!

 不過原來都唔太難食啫~

2款日式便當, 唔差喎...

夕陽無限好.....

只是近香港...... (全篇完!)

六月黑鬼游dAy4pM

續~

係food market後方

原來有個熟食市場

當時又熱又餓又累, 諗都唔諗就決定係依個"大排檔"食

頭盤有"賣飛佛"嘅走生蟹青木瓜沙律, "劈"到暈

伴碟有串燒2兄弟(豬+牛), 好炭好味

主菜係7彩泰式河粉

咖啡或茶係鮮榨蔗汁

雖然之前果餐都算豐富

但係份量太少喇 (所以泰國人咁火柴)

行完food market之後卒之走番去食個雞飯先安樂!

(註: 其實係唔係有嗎啡, 所以龍少日日非食不可?)

餵飽飽龍少

就輪到所有女人去泰國嘅最終目的

買爸爸!!!

買呀試呀俾錢呀, 大大話話搞咗成個下晝

再去買埋手信, 就返酒店放底野再出去食飯

今餐我地同挑戰泰菜 ~ 建興酒家

雖然佢個外表真係好似黑店

但係入到去先知, 食物真係物超所值!

一定要叫嘅招牌咖哩炒蟹

好好食呀, d汁俾我清哂~

馬拉盏炒通菜

泰國通菜幼d爽d, 好味過香港多多聲

龍少係泰國嘅"飛佛"

係呀.... 又係蟹肉炒飯, 佢話抵哂

不過又真係好多蟹肉喎!

起初以為3個餸唔夠

點知食吓食吓, 飽到反肚!

食完仲可以行去sala dseng夜市繼續shop!

返到酒店, 睇吓HBO沖埋涼

又係龍少宵夜時間

食咩???

咪又係.....

....

....

....

....

....

....

雞飯囉!!!

真係好服佢~

至於我呢....

....

....

....

....

榴槤是也!

最衰果晚唔記得買可樂

如果唔係..... 正!!

呵呵呵

六月黑鬼游dAy4aM

係咁靚嘅酒店瞓咗一晚好教

第2日一大清早就醒咗

走去食番個正正免費早餐

雖然地方唔係大, 食物唔係高檔貨

但係同龍少一齊真係食得好開心

飲品有幾種即榨果汁

食物都唔錯, 簡單但好味

有即制waffle, 加honey真係好脆好味呀~

仲有咖啡機, 整杯"卡巴千佬"扮吓野先

食飽飽之後就去咗"chap度chap"隔離個food market

去到真係大開眼界

唔單只有生果, 仲有熟食乾貨

真係乜都有架~

唔知係咩嘅醃物

仲有醃生果

海鮮熟食

唔知咩黎? 好醜怪!!!

好多烏蠅嘅甜品

惹味都飛起豬頸肉+燒肉

到生果喇出場

有大過拖肥隻眼嘅大荔枝, 好甜呀~

成半塊面咁大嘅芒果, 香到不得了

連香蕉都大隻過人

仲有車厘子, 好大粒呀

依款係咩呢?

woh... 好似夕張哈哈哈密瓜

"蘿"柚都大過人

龍少同我都好鐘意食依隻泰國柑, 真係好甜架

依款又係咩? santo?

好好好大的番鬼荔枝

切好哂又乾淨嘅土製菠蘿

market周圍都係榴槤山, 香都屎咗!

連咸魚都有得賣

遠睇好靚, 好似棉花山

點知近睇, 原來係蒜頭山

啱哂我依d蒜頭人呀~

行吓行吓, 又係時間係lunch喇....

待續