龍少甜口良藥

近期係blog上見到個個都食Jenny Bakery

話點香點趣點好味, 自己又係一個超級為食人 (所以愈來愈肥!!!)

搞到好想好想試~

不過我地依d新界人真係好少會過海

上次過銅鑼灣又唔記得問定人係邊樹...

好彩, 上次睇雜誌介紹話佢地係中環開咗分店

所以就問龍少如果放工經過, 可唔可以買盒我試吓?

但係佢近排好咁忙, OT又多

所以都唔想專登要佢去買, 只係想龍少一放工可以快快回家

當尋晚放學返到屋企, 龍少就叫我睇吓張枱

咦? 有袋嘢? 哎呀, 係Jenny Bakery

 

仲要係8款味道! 龍少話因為4款冇古力味

所以佢專登買8款有我鐘意嘅古力粒粒

嘩, 超級開心! 佢話因為我晚晚都飲苦茶

所以買俾我食等我開心d~~~ 呵呵呵

龍少, 雖然你成日激我黎令自己開心

但係都好多謝你專登去買俾我依份心意呀...... 

P.S. 龍少話如果我整到咁趣曲奇, 佢會食好多喎~~

Jenny Bakery 中環分店:

皇后大道中萬年大廈1樓

歪理長存

每逄星期六日都係龍少返太極嘅日子

雖然都算係有益身心嘅運動

但係對於鐘意一猛大眼就見到身邊人, 而又可以爬番入龍少懷抱嘅我

多多少少都有d失落

不過, 係上個月龍少答應我如果有第五個星期六or日就會唔返太極

留番係屋企倍我起身~~~~

呵呵呵, 真係太好喇!

而尋日, 就係傳聞中嘅第五週喇

雖然我依然唔多妥, 但係難得可以對足24小時

所以我小出聲為妙, 一於捨命倍愛人~~~

本來我地諗住一早起去青衣城睇龍少"飛佛"變形金剛

但係唔知係唔係首影第一週, d場爆到不得了

其實可以轉睇夜場, 但係龍少唔知係唔係識穿咗我唔係太精神

所以佢就話不如唔好睇住, 留番下星期先睇!

於是龍少決定帶我向邪惡軸心進發....

去到星光行嘅哈跟打邪惡軸心總部, 嘩... 好多人呀~

等咗10分鐘先有位

龍少知我感冒成日慶合合, 但係外表又怕凍

所以都係一碟兩份sweet sweet咁share好過一次食太多!

我簡咗佢地嘅盛夏假期, 因為突然好想食古力蛋糕

而雪糕龍少就簡咗就快冇嘅芒果熱情果同"賣飛佛"比利是古力

  

嘩, 個芒果熱情果醬好好味, 用黎配古力一流

我地食得超開心, 但係當我將件古力cake撈古力雪糕食啦

點知~~~~ 鹹嘅???

再試多次件cake~~~~ 都係鹹嘅????

我仲以為自己病到味蕾退化

跟住叫龍少一試~~~~ 依然係鹹嘅?????

咁... 唯有問一問佢地個經理

究竟件cake原意係唔係~~~~ 鹹嘅!!!

個經理聽到都好surprise, 我叫佢試吓佢又唔敢!!

不過佢都好nice, 俾我地換過另一款

但係人地真係好想食古力cake嘛~

龍少今次簡咗花之蜜語

因為佢想食3球~ 佢想食仲夏野莓!!!

食完之後超飽~

哈哈, 龍少話其實我地總共食咗4球架喇

食飽飽再行一陣街街

龍少就要我返屋企喇~

不過, 佢整咗我另一個飛佛做晚餐..... 打邊爐

原因: 病係要食多d唔同種類嘅食物黎吸收營養架

摘自咪咪吉"歪理長存"語錄

不能到的約會

本來今日被邀請去預備生日會

本來今日presentation準備得好好

本來覺得感冒應該受到控制

本來今日著了一件好鐘意嘅上衣~~~~

本來肥媽媽買咗隻大肥

+木瓜湯

結果係:

由今日到8月中嘅星期六唔係quiz就係exam纏身

個powerpoint唔知點解唔見咗幾張slide, 仲俾miss問番同樣問題!!

今日比尋日更暈更標冷汗

因為忽冷忽熱所以長時間著住件外套.... 激屎!

醫生要我戒

戒湯戒生果!!!!

                                                                              

cindy, 雖然黎緊依半個月都唔可以同你補祝生日

但係都希望你會鐘意我依個小小, cheap cheap嘅小天使

願小天使會保護你, 伴隨你左右

陪住你過1個, 10個, 50個開心幸福嘅生日!

預祝下星期生日快樂!!!!!

是日異常忙碌

   

鑒於聽日有presentation

今日都仲未改好份powerpoint

自己個speech都未寫好~~~

加上出完去被太陽暴曬之後個頭極暈

同埋真係變咗"下咪" (姐夫先生d鄉下話)

所以, 暫時腦部一片凌亂, 思潮起伏不定!

希望今晚搞掂哂有心情, 再post屋企隻"變形金剛"啦~~

22:36: 鼻涕已經開始失控, 今晚就此告別, 明天有緣再見!

水喉人?

依幾日天氣超熱, 所以都冇咩心機煮飯~

但係尋日唔知發咩癲, 好想好想煮飯俾龍少食

或者因為晚晚見到佢返到屋企都係超累超辛苦咁!

於是一忙完就去咗超市買餸!

今餐自覺好掂

龍少竟然有讚冇彈, 依樣簡直係天方夜譚

佢仲成煲飯+餸全部掃哂... 呵呵呵!

不柱我咁辛苦化身成水喉人去煮依餐飯呀~

柱侯醬西蘭花花枝丸

洋蔥蒜香肉排

豆腐粉絲麵屎湯

但係煮呀煮呀... 點解標汗標得咁犀利?

仲有小小頭暈暈嘅?

於是一煮好哂就走咗去沖咗個凍水涼~~

唉, 咁就踩屎喇~

食飯果陣都冇咩問題, 當食完開始就鼻涕長流, 不斷打乞嚏.....

於是嗱嗱聲食番2粒幸福就走去瞓囉!

今朝起身都好咗好多, 但係仍然有鼻涕

屎啦, 聽日仲有緊要事出去~

唔理喇, 大不了咪.... 傳染俾人啫, 哼!

炎夏lunner

今日由lunch開始一直忙, 直至到5點幾先得閒食brunch

但係brunch都冇咁晏啦, 所以我就叫佢lunner (lunch + dinner)

依個lunner只係一份超級簡單多士+果汁

係烘豬屎火腿麥包+鮮榨西瓜汁

份多士係焗, 所以豬屎溶哂麥包趣哂

而個鮮榨西瓜汁, 榨剩2塊用黎切粒粒

龍少鐘意有嘢食住飲

不過依杯其實只係搭單影張相

因為我實在唔敢飲太多

而個main purpose係俾龍少大熱天時降降火啫~

個西瓜超甜, 同埋好鐘意隻杯

份多士好醜樣

好似個set咁~ 好開心