上癮

前幾日中午開電視

咦? 點解華娛又又又重播"惡作劇之吻"

再睇真d, 原來今次輛到無線播!

雖然我都睇過至少4-5次

但係依家每日11:45就一定開電視又再睇多次

龍少都有問過我, 駛唔駛成日睇呀?

不過, 真係好好睇!

其實知道有依套戲, 都係因為知道係元暢做

識得元暢, 都係因為朋友W

幾年前朋友W話佢鐘意咗個台灣新人叫鄭元暢

我個心仲諗 "吓? 叫趙完唱" 呵呵....

不過經朋友W講之後~ 哦, 原來係當時華娛播緊"安室愛美惠"果個長頭髮白雪雪果個

又真係幾高大喎

之朋友W係佢超級忠實fan屎

雖然佢都有做"薔薇之戀", 但係本人唔太鐘意Ella奇特嘅外表所以冇睇

不過當聽到佢有套"惡作劇之吻"就超級想睇

起初龍少叫我睇華娛算啦~ 但係我又真係好想有DVD

可以幾時睇都得!

哈哈... 最終因為舊曆年果陣去咗旅行

華娛係果陣又重播, 點知哈爾濱收唔到華娛(!!!!)

搞到我晚晚攞攞攣冇得睇

於是龍少'的'起心肝同我落番北京書城買咋... 呵呵呵

所以~ 基本上每2個月我都會睇1次! 

有D過份沉迷嘅感覺

但係比起香港果D劇集, 真係黎得有意思得多啦~~~

P.S. 其實依家發緊感冒, 不過真係超鐘意依套戲

所以想叫大家一齊睇啦~

"惡作劇之吻"

無線星期一至五上午11:45

http://www.gtv.com.tw/Program/S051420051001U/