水喉人?

依幾日天氣超熱, 所以都冇咩心機煮飯~

但係尋日唔知發咩癲, 好想好想煮飯俾龍少食

或者因為晚晚見到佢返到屋企都係超累超辛苦咁!

於是一忙完就去咗超市買餸!

今餐自覺好掂

龍少竟然有讚冇彈, 依樣簡直係天方夜譚

佢仲成煲飯+餸全部掃哂... 呵呵呵!

不柱我咁辛苦化身成水喉人去煮依餐飯呀~

柱侯醬西蘭花花枝丸

洋蔥蒜香肉排

豆腐粉絲麵屎湯

但係煮呀煮呀... 點解標汗標得咁犀利?

仲有小小頭暈暈嘅?

於是一煮好哂就走咗去沖咗個凍水涼~~

唉, 咁就踩屎喇~

食飯果陣都冇咩問題, 當食完開始就鼻涕長流, 不斷打乞嚏.....

於是嗱嗱聲食番2粒幸福就走去瞓囉!

今朝起身都好咗好多, 但係仍然有鼻涕

屎啦, 聽日仲有緊要事出去~

唔理喇, 大不了咪.... 傳染俾人啫, 哼!