重重的你走了

過咗成3個月多d

提子媽咪係今朝早機走咗喇

真係唔知幾時先至可以見到佢同林小B

唔知到時見到林小B, 會唔會已經識行識走

仲唔知我係邊個? 怕陌生?

其實佢今次返過去真係令人好擔心

成日擔心佢傻吓傻吓唔識照顧自己同小B

擔心佢食唔到佢奶奶煮嘅核突嘢

擔心冇人買定麵包俾佢宵夜

擔心天氣超凍佢大住肚唔適應

擔心佢日嘔夜嘔冇人理

擔心佢唔開心冇人同佢傾計

擔心冇人同佢癲屈埋屈埋

擔心佢生果陣肥太太同陳生唔係佢身邊

擔心佢坐月食唔到好嘢...........

但係我就咩都做唔到~

家家姐:

記得係果邊咩事都要開開心心

如果你有咩需要有咩唔開心

即管隨時搵我

我一定會幫你

因為你係我唯一嘅好家姐

我都會係你唯一嘅好細妹

後記: 由於心情不太好, 所以未必會到各位blog留腳毛
回應則要遲D先覆~ 請見諒!
11/9/07

今朝肥媽媽打去提子媽咪個美國手提

咦?冇人聽! 再打去佢奶奶屋企
吓, 架機飛咗上加拿大?
問佢點解又唔知....
之後check番cathay個departure schedule先知
由於NY係香港時間凌晨落暴雨
成機包括提子媽咪一家3口飛咗去Toronto暫避
好似要今晚9點先起機飛番落NY
希望佢地冇事!
12/9/07
今朝終於都同提子媽咪通電話喇~
講咗成大半個鐘
好彩佢都好適應番果邊嘅非人生活
提子媽咪, 你同林小B一切小心
記得我唔打俾你你都要打俾我呀~~~
P.S. 各位, 心情好番好多, 唔駛擔心我喇!

聽日再蒲頭啦~