今年生日係我咁大個女第一次唔係HK過, 真係有d老土.... 不過冇計啦, 因為生日撞正國慶前後, 去邊都唔抵啦~ 不過今年為食龍少爺就同我返咗"身震"玩吓食吓, 真係好! 仲有, 佢帶我去咗果條好出名嘅油畫村~大芬村! 原來果度好遠架, 係布吉, 仲要係出咗關口先到. 我同龍少講: 嘩, 你真係好喇, 生日帶我去布吉玩, 哇哈哈... 由於以前讀書年代小妹讀過吓"呃錢", 所以都對d畫有小小知識咁啦, 而咁多個畫家我最"屎歡"梵高"所以去到果度周圍搵佢d畫, 搵呀搵呀, 最終俾我揾到我最鐘意果兩幅畫, 左邊果幅就係向日葵, 右邊果幅就係星夜, 嘩----靚到呢...... 不過我買果兩幅就當然冇依兩幅咁正啦~~ 仲想點喎, 兩幅夾埋都係人仔60皮咋, 真係~ 登d大6嘅藝術家可憐!!!
沒有留言:
張貼留言