近排, 唔知係唔係天氣凍咗, 定係之前發燒發到個人慶合合, 成日都好想好想食雪糕! 不過由於仲未好番哂, 再加上又啖多帶咳, 所以只係可以望圖解困啦~~ 其實, 我最想都係試吓山打跟個雪糕火煱, 嘩... 好似好正咁架, 不過冬天先有, 而且都幾貴, 再加上冇人陪我食, 文少唔特別鐘意食雪糕, 佢只係鐘意食好老土嘅雲喱嗱味... 不過前排d信用咭到期換禮物, 換咗"genki"紅衫魚"Q磅"之後, 仲可以換到張山打跟嘅紅衫魚"Q磅"!!! 嘩哈哈, 真係高興到呢..... 不過諗諗吓, 我一個人點食成條紅衫魚呀?! 本來都想話換月餅食架, 但係果盒唔知幾多星伴月, 屋企兩老又唔食得甜嘢, 咁又唔可以分到俾人, 咁叫我一個人梗死佢咩, 唯有等埋屁屁(大姨媽)返黎一齊去烚吓烚吓啦~~ 不過當然係, 我出條紅衫魚, 有剩佢包啦,唔係咩呀!
沒有留言:
張貼留言