(圓圓: 請有心理準備)
前排睇電視, 介紹咗個好似好好味嘅湯
"淡菜薯仔煲牛鰍魚"
龍少好想飲
上星期終於都搵日得閒煲
嘩, 好鮮甜好好味架!
不過處理果陣真係好驚
因為條牛鰍成日都好似望住我咁
當我煎佢又啤住我
放佢落煲之後又會浮番上水...
搞完依條魚之後, 真係覺得自己好勁
當堂大個女咗喎!!!!
其實之前一直都唔知牛鰍係咩樣, 點買呀~~
龍少就求其講咗個魚樣俾我知
我就傻吓傻吓咁走去街市搵魚喇!
第一次入街市買魚~
真係好驚....
行咗成個街市一條都冇
本來諗住都煲唔成
後來唔服氣就走咗去另一個街市
終於都俾我揾到喇
但係.... 點解同龍少形容個樣都唔似嘅~~~
(圓圓請閉目後按PgUp, 唔好再睇落去喇)
為咗俾龍少記住佢個衰樣
專登影低佢, 你睇.... 真係幾衰
成條蛇咁樣.....
...
...
...
...
...
...
...
...
...
...
...
沒有留言:
張貼留言