贈佳人

等... 寂寞到夜深

等咗好耐

終於都見到菇菇姐真身喇~~

好開心可以見到佢

一見面感覺就好似好熟咁

好有親切感

菇菇姐俾我想像中好傾

因為佢成日都話自己悶

講真, 我估我真身應該仲悶過佢!

因為係臨時約, 地點都好是但

因為今日突然好想飲粒茶~珍珠奶茶

所以就捉咗菇菇姐去仙咩林度食tea!

飲品麻麻但係食物有驚喜~

我地一咩都講, 講生活, 講工作, 講搓包, 就連壞話都講(!)

但係時間真係過得太快

講到最想講嘅時候

先發覺夠鐘要返去煮飯俾陳生...

真係好唔捨得走

仲要龍少吹足2次我先肯埋單呀~

其實之前臨急臨忙, 唔知整咩禮物好

唯有整最快又好味嘅芝麻餅俾2位貴賓

真係失禮哂~~

TO: 菇菇媽

我真係好開心可以同你見面

你好親切呀~

亦都好開心可以分響到你嘅睇法

我會盡量去嘗試!

仲有, 好多謝你嘅禮物s (我冇濕熱)

一部分已經俾陳生偷咗

但係為咗佢健康, 我唔會再分俾佢, 哈!!

希望可以快d有下次, 我地可以再傾耐D耐D耐D啦~