肥媽節@滇家菜

上星期五肥終於都返咗黎

好開心趕得切母親節可以一齊慶祝

肥媽媽係一個西化嘅人, 所以佢鐘意食西菜多d

但係... 當一個人係外國成3個月

點都會想食番d中菜嘅~

所以我地就帶佢去食番個中式晚餐

去咗屋企附近嘅食雲南菜嘅滇家菜

當晚叫咗母親節餐

有雲南四小碟: 金桔蕃茄, 麻辣鴨舌, 麻醬茄子, 酸辣牛展

之後有杞子氣鍋烏雞翅, 唔知咩燒雞

薑蔥炒肥牛粒, 云腿津白

椒鹽排骨, 仲有搵唔到云腿粒嘅云腿蛋白炒飯

當然仲有肥媽至愛嘅甜品啦

有豆沙酥同唔知點解有嘅壽包!!!

今餐肥媽媽食得好開心

希望佢係往後日子日日都咁開心

身體健健康康, 唔好再叫我擔心就好喇~