倆口子上哈京第7天の後會有期

好喇, 2個人上哈京終於都到咗尾聲

估唔到一個舊曆年嘅遊記可以寫到5月都仲有得寫

真係由天冷

寫到天熱

喇~~~

                                                                                   

續....第六晚大病纏身, 睇完醫生之後

食咗藥瞓咗一覺好嘅, 真係精神咗好多多多~

龍少話今日都走囉, 唔好再周圍費時又再病多幾錢!!!

但係, 我依隻玩精又點捨得唔去玩只係匿係酒店大覺瞓呢~

所以, 我唯有投龍少所好, 提議去雍和宮拜吓神

點知龍少俾我一語道破!!! 於是我地就執好行李check-out哂

再打的去雍和宮

原來雍和宮係以前嘅皇帝拜神嘅地方

不過後來開放咗俾其他信眾入去拜神

裡面所供奉都係藏前佛教

環境好清靜好舒服~

 

 

 
     

<原來李居明響北京都有專賣店架>

之後, 我地就去番西單書城食晏+買上次唔記得買嘅cello書同"惡作劇之吻"

跟住就立即趕番木棉花攞埋行李打的去北京火車站

再轉airbus去機場

點解唔直接打的去機場? 因為下午放工時間北京同曼谷一樣都係大塞車

所以搭airbus就穩陣好多!

但係.... 我地搭18:30班機, 塞車塞到18:00先到.......

一落車就沖去港龍個check-in counter啦~

咦? 點解冇show18:30班機, 得番20:00果班

唔通..... 已經關咗閘?????

但係個地勤姐姐又冇講咩, 只係幫我地check-in.....

跟住就話boarding時間係19:15

於是我地問地勤姐姐啦:

"威嬸麼free支屎正bu桶喇?" (為什麼飛機時間原同喇?) <哈哈哈, 失禮人的煲冬瓜>

"咦, 你地唔知班機delay咗咩?
因為你地班機機件故障所以調另一架飛機由香港飛過黎
仲以為你地知道所以咁遲黎喎!!!!!!"

都唔知係唔係有心寸我地

不過, 我諗因為架機都幾爆, 2班變為1班

所以佢upgrade咗我地去business class.... 呵呵呵

自從8年前去東京果次遲到check-in, 有得upgrade上business class之後

(哈爾濱返落北京果次唔算架)

今次都係第2次咋, 真係好開心~~~

總括今次2個人上哈北

真係有好多好多第一次: 第一次瞓長途火車 第一次搭國內內陸機 第一次自己去冰天雪地 第一次國內睇醫生

驚險但又好難忘, 好想再去多次

聽講話黎緊年尾應該仲會有一次冰天雪地之旅

但係去唔去得成  就要睇吓龍少有冇俾心機搵錢+同我有冇乖乖地搵錢同讀書

所以..... 依家咩都唔可以講住

因為如果成日提住, 龍少就會唔高興, 唔高興=唔去

希望5個月後可以落實話俾大家知啦!!!

如果我冇再提, 就=

 
<北京機場好靚>                                               <返到香港23:45, 仲要未有行李出>