東南亞雜貨店

今日一早龍少又去咗學太極, 悶悶嘅我就打俾肥媽媽同陳生去痴茶飲

我家果隻傻拖肥d心思蟲藥就快食哂

所以就順便去獸醫附近嘅好彩酒樓飲茶茶

但係依間好彩真係好巴閉, 要等位等好耐......

龍少又咁啱到咗, 所以我地就周圍逛逛

逛咗轉角一間由細食到大嘅印尼小食店買印尼糕同糯米卷頂肚

之後再去附近一間新開叫"印尼館"嘅鋪頭睇吓望吓

嘩, 估唔到依度係賣好多泰國印尼馬來西亞唔同款式嘅食物

而且個價錢都算公度

一入門口我地就俾個飲品櫃吸引住

因為佢有好多唔同種類嘅特色飲品

有羅望子汁, 番可榴汁同熱情果汁等等.....

我地簡咗熱情果汁黎試, 只係$5, 雖然唔夠酸但都好好味

跟住又買咗laksa湯包($10), 仙草粉(用黎整涼粉)燕菜精(都係$2)同金邊粉($6)

真係好抵!!!

   

本來我仲想買埋"榴槤餅乾", 但係因為依排好似有d熱氣

所以.... 都係下次先買啦~~

佢地有好多咖哩粉啦, 泰國魚露啦, 辣椒醬.....

而且仲有印尼熟食, 飲品, 飯盒.... 都好似係$10

龍少話如果唔係要飲茶, 佢一定會買個飯盒試試!

笨b媽媽~ 我記得你同笨b爸爸都鐘意食泰國菜同辣辣辣

所以, 不妨去逛逛!

<印尼館>

地址: 荃灣沙咀道186號地下(球場對面, 獅子吧側)

電話: 2490-9190

營業時間: 8am - 8pm (星期二休息)

 

P.S. 笨b媽媽~ 今晚好開心同你傾電話, 你真係好搞笑!!! 下次等大家得閒不如出黎一hea啦!!!!