倆口子上哈京第六天の飲飲食食

第六日朝早, 因為繼續昏迷

所以中午先出發去番龍少至愛永和度食牛肉飯

而我仲係有小小矒矒地, 所以唔記得影相!!

之後去到五道口站, 一落車就聞到一陣陣蕃薯味....

突然陣超級想食, 於是就叫龍少買隻俾我食

嘩, 攞起手真係成身都暖哂~ 而且真係好甜好滑

咁大隻成斤重都只係RMB2咋, 超級抵食

之後上咗的士都一路食食到落車!!!!

^好味蕃薯, 食完不斷呠呠呠...

去完圓明園, 龍少就帶我去祟文區依間遙遠的"良田雞"~~

依間火鍋好出名, 因為佢個湯底係用十幾種藥材煲成

據講有行氣活血強身健體, 所以龍少就想帶我去補補佢

可惜, 未補都已經發作喇!!!

依個鍋食法都有次序:

響未淥任何配料之前要先飲一碗湯

之後放雞同豆皮, 當豆皮浮面就可以食豆皮之後再食雞

跟住就可以放牛肉羊肉菜等等, 再飲湯

據講因為湯裡面嘅藥材起作用

食飽之後40分鐘, 食物就會完全消化, 就好似冇食過一樣!!!

不過我當日只係飲咗碗湯, 食咗小小肉就瞓咗~~ 所以唔知係唔係真

但係.... 龍少就真係要打包一盒炒飯返酒店宵夜呀~~~

^好清甜嘅湯底

^左: 好味羊肉; 右: 超soft牛肉


^左: 冷豆腐+唔記得咩菇; 右: 寬粉條