今次真係整餅喇~~

尋日開始有d鼻水長流嘅現象

到咗今日仲開始鼻塞!!!! 點算? 我唔想又病過呀.....

所以點都要搵個籍口出吓街精神一吓 (好一個籍口)

龍少今朝又要返太極. 好, 咁我就去接去乘機去行街街順便睇吓買唔買到"飲衫"

雖然都預咗今日一定買唔到"飲衫"

但係好開心響zara買咗2件casual wear~~ 好過冇!!!

夜晚返咗屋企煲粥, 而我就心思思想整大少奶教嘅牛肉餡餅

因為... 實在太愛清真牛肉館嘅牛肉餡餅喇

每之龍少同我去親九龍城,

都一定係去小曼谷+外賣牛肉餡餅

但係龍少依排皮膚敏感, 要暫時放棄佢至愛嘅牛肉

所以.... 今晚我就整咗紅蘿蔔洋蔥豬肉餡餅

因為龍少從來唔會主動食紅蘿蔔, 所以我將佢切粒粒再加埋一齊

咁就有小小口感又有營養啦~~

原來真係好易整又好味!! 雖然第一次整, 但係感覺都唔差!!!

因為龍少唔太鐘意食所有厚皮嘅嘢, 所以我碌到塊皮好薄, 而且裡面有好多肉汁

不過唔知點解有幾隻煎煎吓會漏汁? 唔通係太薄有關?!

哈哈, 個人認為漏咗汁都好味! 我聽日lunch同龍少聽晚等我放學果陣就有嘢食喇~~~