去九龍塘食糖水?

史前嘅時候, , 成日都聽見電視劇d人話去九龍塘食糖水

饞嘴嘅我, 就一直都以為九龍塘真係有出名糖水店

成日都叫陳生帶我去九龍塘食糖水(!!!)

保守嘅佢當然一口拒絕兼唔會解釋

於是無知嘅我一直記在心頭

之後有一次去完嫲嫲家, 回程時陳生架車駛至廣播道附近

由於我知廣播道就係響九龍塘

於是立即叫: "九龍塘呀, 不如我地去食糖水啦"

終於俾陳生同肥媽媽笑我, 而肥媽媽亦開始"解釋"俾我聽

"d人話去九龍塘食糖水, 其實就係壞男人同壤女人去嘅地方"

"點解話去食糖水?"   

"咁你會唔會日光日白去食糖水? 依d係形容d人通常夜晚先去做壞事嘛"

"但係.... 我晏晝有時都想食喎......"

之後全車一直非常安靜直至返到屋企~

連提子太太都唔出聲回應喎.........

                                                                                          

到咗依家, 一向中式嘅龍少都會周不時同我去大良八記食"糊"

因為我同佢都唔可以食太多生冷嘢

大良八記都算就腳, 同埋有我地最鐘意嘅合桃糊~~

今次我地叫咗合桃糊+芝麻糊, 咁我地就可以自制2溝

電視都有講啦, 雙拼通常都貴d架!!!