倆口子上哈京第六天の破解北京地鐵之迷

今次主要係講講北京地鐵

因為... 雖然好平, 但係並唔係我地想像中咁方便

佢有3條不同路線: 紅色同藍色都係走市內, 橙色就係近郊路線

全程紅色線, 藍色線同橙色線費用都只係RMB3

由紅色線轉藍色線RMB4, 由由紅色線轉藍色線再轉橙色都只係RMB5

不過, 所有地鐵都係人手售票人手查票

響第五日, 我地原先諗住由王府井站搭地鐵去五道口, 再轉的士去圓明園會快d方便d

但係... 北京嘅地鐵係隔好好好遠先到下一個站!!!

站與站之間都要成5分鐘車程, 我地要搭10個站

粗略估計即係要50分鐘!!!!!

雖然, 佢地都有轉車站, 但係... 並唔係我地平時過去對面月台就可以轉車咁方便!!!!

首先, 紅藍線轉車比較好.

當你落車之後要跟據難得嘅指示牌去另一個月台轉車

否則你會出咗車站都唔知!!

由一個月台行去另一個月台真係九曲十三彎, 而且仲好遠~

差不多要行成5分鐘先到!!

如果你想由藍線轉橙線, 仲大獲~~

你又係要跟d非常難得嘅指示牌行, 一路行大概10分鐘就會上番行人路面 (係呀, 冇錯架)

之後一路行大約3-4分鐘, 就會見到另一個架空鐵路站 (類似泰國BTS)

之後你仲要攞番你之前果張票俾售票員

佢就會換過一個似泰國MRT籌碼狀車票俾你!!!

咪咪吉提提你: 若果只係去近嘅地方或同一條線, 不妨搭地鐵感受一下當地氣氛

但係如果要轉去橙色線, 就一定要搭的士~~~

不過聽講話依家做緊好多擴建工程, 希望第日方便多d就好喇!!

現時北京地鐵規劃線路

2008年北京地鐵規劃線路