今日又到我鐘意嘅星期三
點解咁大先黎學?
因為細個果陣陳生話女仔之家, 唔好學埋d要猛大雙腳嘅樂器
所以.... 就唯有學琴囉!
到咗依家, 哇咔咔~~ 冇人可以阻我喇~~~
所以, 本來今晚係由我買定哂餸龍少負責煮
吓??? 咁都得?
唯有我快D搭車返屋企再煮餸等個傻人返黎食囉!
煮起上黎果陣, 一切都相安冇事
但係.... 到落咖哩粉, 究竟要落幾多?
我諗都冇諗就落咗2大匙再加雞湯
嘩, 好似樣呀, 又香喎
好喇~ 到試味喇~~ 都幾辣喎, 咪加D糖囉
點知都係辣, 不過覺得個"辣椒人"都應該接受到就冇理喇
我仲加咗d特別嘢落個咖哩度, 係咩?............ 花生醬
因為之前睇過唔知邊個個cook show, 話落花生醬會香d甜d
於是就加咗1匙, 有花生味真係香好多
搞到我鬼死咁開心點知開飯果陣, 辣辣辣辣辣..... 我食到不斷灌水~~~
同場加影: 又係菜飯, 因為尋日食剩1/4斤小棠菜....
沒有留言:
張貼留言