不斷灌水的晚餐

今日又到我鐘意嘅星期三

因為每個星期三晚我都要去葵青劇院學cello

點解咁大先黎學?

因為細個果陣陳生話女仔之家, 唔好學埋d要猛大雙腳嘅樂器

所以.... 就唯有學琴囉!

到咗依家, 哇咔咔~~ 冇人可以阻我喇~~~

所以, 本來今晚係由我買定哂餸龍少負責煮

點算落堂之後收到個SMS: 有人搭錯車, 去咗天水圍!!!!!

吓??? 咁都得?

唯有我快D搭車返屋企再煮餸等個傻人返黎食囉!

好彩之前一早預備好哂D材料同問定大少奶點煮啫~~

煮起上黎果陣, 一切都相安冇事

但係.... 到落咖哩粉, 究竟要落幾多?

我諗都冇諗就落咗2大匙再加雞湯

嘩, 好似樣呀, 又香喎

好喇~ 到試味喇~~ 都幾辣喎, 咪加D糖囉

點知都係辣, 不過覺得個"辣椒人"都應該接受到就冇理喇

我仲加咗d特別嘢落個咖哩度, 係咩?............ 花生醬

因為之前睇過唔知邊個個cook show, 話落花生醬會香d甜d

於是就加咗1匙, 有花生味真係香好多

龍少一返到黎都讚又香又正, 仲話好似人地街果d咁

搞到我鬼死咁開心

點知開飯果陣, 辣辣辣辣辣..... 我食到不斷灌水~~~

連辣椒人龍少都食到標哂汗~~~

今餐就真係... 杰囉!

同場加影: 又係菜飯, 因為尋日食剩1/4斤小棠菜....

<我都有學大少奶切蘿蔔花花, 不過影唔到, 徙哂>