晚餐變午餐

尋本來自己一個人食飯, 因為龍少一早講咗話要OT

咁即係佢會響公司叫外賣, 食埋先返!

雖然有d唔開心, 但係都冇辦法啦~

唯有諗d方法令自己開心d

諗諗吓, 龍少一向都唔鐘意食pizza

但係有時自己又想食d香口嘢

所以, 趁佢唔返黎食, 不如自己整pizza啦!!

仲要自己整個健康, fresh嘅pizza~

於是尋日上完yoga就去買定哂材料

諗住一落堂就開壇

點知到7點幾果陣, 龍少打俾我好開心咁話...

"今晚唔駛OT, d嘢終於搞掂哂", 真係好喇~~

"但係我冇買餸喎?"   "落街食囉~"

於是佢就返咗黎同我落咗去樓下個'飯堂'食晚飯

但係, 我已經溝咗d粉做面團喇, 咁點算?

龍少就叫我照整囉, 不過唔係即晚食

而係留番今日lunch食....

哈哈, 都好喎! 咁就整咗個唔係太圓但係超級多料嘅健康pizza喇~~

材料有: 蕃茄, 菠蘿, 粟米, 仲有小小火腿片!

除咗pizza外, 我仲整咗小醬清新沙律

因為上次個青瓜蟹柳沙律龍少想encore呀~~~

哇咔咔, 龍少終於都識得欣賞我.......... 煮嘅嘢喇!!!