火燭呀.....

依個係上星期嘅"杰作"....

前排見珍妮仔整咗隻好靚嘅煙熏手撕雞

咁啱又醒起龍少次次去親老北京都食煙熏雞

所以都想整俾佢食, 於是就想學吓整啦!

點知, 先記得自己係第一次買全雞

買到番黎好好好驚.....

同佢博鬥完一輪之後就開始整

到煙熏嘅時候, 以為開哂抽油煙機+抽氣扇+開窗就ok啦

點知.....

都係俾管理處打上黎問係咪煲濃嘢....

仲有管理員走上黎睇吓係咪火燭?!

真係"火羅"爆!!

不過, 最唔開心嘅就係

原來龍少之所以去親老北京都食煙熏雞

係因為冇新鮮雞食~~~

而隻雞又俾我熏過龍, 濃咗D

仲有, 都未手撕, 個雞殼都爛鬼埋

嗚嗚嗚..... 真係好傷心

好彩, 龍少都肯同我食哂, 不過就好似食緊煙咁囉~~~

<大少奶: 我遮住咗個雞頭架>

同場加映: 龍少自創差燒芽菜炒黃薑飯, 好味道, 營養高!!