殘酷的現實

今朝一起身, 唔知點解冇理精神, 好似做咩都提唔起勁咁! 加上一諗起今晚要返學...... 有D想死嘅感覺! 唔知係唔係天氣凍吓凍吓, 就令到個人懶吓懶吓兼呆吓呆吓呢?!

坐響個電視前呆咗成個字, 突然間諗起今晚果科未print notes喎, 於是又嗱嗱臨去開電腦, save好哂d file就開始呆呆咁望住部printer print嘢!! 呆吓呆吓, 不如今日午餐食好d啦~

其實我係一個唔係太鐘意自己一個人出街食飯嘅人, 況且等陣下晏都要響屋企教琴.... 俾好多理由支持底下. 結果, 咪又係自己整囉~ 平時lunch我只會有咁簡單得咁簡單, 大部分時間都係淥條菜+煮米粉. 有時好小小就加多隻蛋! 晏晝通常都唔會有肉肉, 因為到咗夜晚, 龍少就會迫我食好多嘢,

佢成日都話唔食多d肉同飯會冇氣冇力喎! (身為中國人嘅我真係對飯依樣嘢又d反感, 但係炒飯同油飯例外)

打開個雪櫃, 發現有上次打邊爐食剩嘅鮮冬姑同鯪魚肉, 再加埋我嘅至愛-蕃茄1大個同2粒蒜頭. 就炒咗一個唔知叫咩但又幾開胃嘅意粉. 因為我到最後落咗小小basil同切咗隻青檸, 一陣陣泰式嘅香味, 令我好似返返去曼谷咁, 當堂成個精神番

....小小啦~ 因為好快就返返黎現實, 而現實始終係殘酷嘅! 唉...心情咁差, 都唔知係唔係d親戚趁新年前黎探咗我先呢?!

<大雜繪炒意粉>

<都ok好味架>

<哈哈, 依個就係上次去bkk買嘅青檸, 果然有泰feel>