陳氏宗親會新年獻禮 ~ 又係蘿蔔糕

其實依底蘿蔔糕係2日前整, 不過因為要趕project, 所以唔得閒post上黎!

今次底蘿蔔糕係龍少幫我磨蘿蔔, 因為龍少話想睇吓究竟蘿蔔糕係點整,

於是我地就一齊整我地嘅愛情結晶品! 依底蘿蔔糕同上次好唔同, 因為d蘿蔔係一半磨蓉, 一半切條條. 同埋今次跟咗大少奶個食譜! 由於同上次嘅整發好唔同, 所以我都有d唔順手! 到最後一路攬d粉同蘿蔔果陣, 龍少就猛話唔夠粉唔夠杰.... 又要我係咁加粉~~~ 

不過好彩到最後底糕都ok! 但係就因為之後猛+粉, 又冇加番鹽喎, 所以就唔夠咸! 不過龍少話算啦, 總好過太咸.... 哈哈, 因為係佢要+粉架嘛!!!!

係整嘅過程, 龍少不斷咁話, 原來整蘿蔔糕咁辛苦..... 哈哈, 佢終於都知, 就係因為佢鐘意食, 為咗佢開心, 幾辛苦我都會整黎"tum"佢! 希望佢識得欣賞我依份心意啦~

<個樣真係好醜樣>

<我地嘅結晶品出世喇~~>