情人節大餐

大家唔駛嘈住, 雖然個topic係寫明情人節大餐

但係下面張相只係普通上海雲吞麵+排骨菜飯

因為~~~

 我想話俾大家知, 只要可以同龍少一齊食飯

無論果餐係燕窩魚翅, 定係白粥腸粉

我都會當佢係我地嘅甜蜜蜜大餐!!!

雖然依餐環境唔係太好+食物ok, 但係我地都好開心,

因為, 今日...... 又冇鬧交喇!!!!

食飽飽之後, 我地就去咗Giodano買"燈芯絨"褲!

哈哈, 因為有人肥咗, 諗住著去哈爾濱果條突然唔啱著

所以咪要陪佢去買囉!

買完褲我地就去番旺角, 買我地倆個共同嘅情人節禮物~~

Canno 400D~ 我地真係想買咗好好耐, 但係就一直冇籍口去買!

終於到咗下星期去旅行, 有籍口去買部好d嘅相機去影果邊d靚影!!!

依家買就真係平咗好多, 成副kit set都係6千頭

仲送埋2GB card, 備用電, 機袋同腳架

真係愈遲買就愈抵!!

好嘢, 我地又有新玩具喇, 不過都幾難玩,

得我玩熟咗再post d新相上黎俾大家睇啦~~~

<個樣都好靚仔>

<隻腳架都算係咁囉!>

<個機袋有d醜樣>

<不過個內裡都幾"四正">

<仲有後備電+2GB card>