外星怪獸猛大口

由於依排睇好多有關哈爾濱嘅資料, 知道果邊俾我地想像中真係好凍好凍

, 大概差唔多係零下30度左右!!! 都咪話唔驚~~ 搞到本身諗住著番之前去北京首爾果件羽絨都唔敢! 所以大前日去龍少媽媽團年飯暨生日飯之前, 就等埋龍少一齊去旺角睇睇d羽絨同fleece褸!

就係等龍少嘅途中, 見到有間平時都唔多留意嘅健康食品鋪頭. 於是入去逛吓徙哂d時間啦, 點知俾我揾到d好嘢...... 就係乾制無花果喇! 不過由於佢個樣都幾衰,

隻隻又好似怪獸咁猛大個口喎.... 都有d猶豫, 不過因為平時真係好難見到有新鮮無花果, 就算有都好貴好貴... 所以, 一於買黎試吓! 

嘩, 好甜呀... 不過就唔假囉, 唔似浸糖水!

好有咬口, 因為又唔係太硬, 好啱我依d成日牙痕嘅人! 佢仲有一款係濕嘅無花果, 可以用黎切片做沙律或者沖茶. 等我下次買埋先~

 後記@17:00 

 = 好開心呀~~ 龍少話等陣放工同我去"有食緣"買藍莓乾同士多啤梨乾呀~~~ 多謝龍少!!!

<好好味嘅無花果乾>