旅行平安藥包

因為依個"新年期間冰天雪地哈爾濱唔記得帶頸巾+北京室內熱死人風寒症侯群"

剛才頭暈都不得了, 所以嗱嗱聲寫完就走咗去瞓教!

但係瞓到咁上下, D藥力散哂, 開始又喪咳

所以迫住要起身, 入廚房食埋今朝食剩果半碗粥再送藥

點知就收到亞sa電話, 話靚仔Vincent終於都做老襯, 下星期日就去飲宴!!!

當自己繼續喪啄之時, 突然想起大少奶同Vanlily3月就會去日本

都想提醒一吓佢地要小心身體, 買定個藥包好d呀~~

依個藥包, 其實本來係去哈北之前就想去買,

但係check吓check吓, 對我似個藥煲黎講, 都好似有齊哂, 所以就冇買!

但係~ 藥依d嘢, 真係買多d都唔怕!

我同龍少2個帶了2 大盒panador同幸福傷風素都唔夠.........

click-->放大

依個藥包係衛生署推出架, 都只不過係$100一個.

大家如果有需要可以去以下衛生署港口衛生旅遊健康中心診所買.

地址: 灣他皇后大道東213號胡忠大廈18樓26室 / 長沙灣303號長沙灣政府合署1樓

希望大家去旅行去得平平安安, 唔好好似我咁...

去完之後病到五顏六色!!!