再接~~I'm already back!

由於上次整出黎嘅蛋散, 俾人笑咗好耐,

同埋話十足十魚旦粉裡面嘅魚片一樣... 咁粗咁厚 (唔駛講都知邊個笑我啦, 好快d出黎自首喎), 所以我決定一有時間就會再整獲'甘'!

終於到咗上星期六, d學生好似夾埋咁, 突然間一個二個都話唔得閒or黎唔到~~

所以, 霎時間free咗個下畫, 真係有點不知所措! 正想執吓個垃圾場之際, '叮'一聲就係我面前出現咗蛋散嘅影子(咦~ 影子, 點解諗起蛋散會見到你??!!) 哈哈, 於是就急急腳走咗入廚房起.....壇....

介於上次俾人笑, 所以今次我決定有咁薄碌咁薄, 仲要脆到飛起果隻!!

分量同上次一樣, 但係今次就覺得難碌咗, 或者係因為今次有要求啦! 成個粉團就由一'pet'嘢開始, 碌到全部成形, 竟然碌咗我一個鐘?!! 真係講都冇人信. 不過今次d蛋散真係薄咗靚咗好多, 仲要係薄=脆! 

依次嘅結晶品終於都冇俾人笑喇, 不過竟然有後遺症....

由於碌咗一個鐘, 個膊頭同條頸到今日都仲痛緊呀~~ 龍少, 你識做啦!!

<今次真係好薄好薄>

<仲好脆架>

<有d似響街買喎~quote自肥媽媽>